وقت الرخاء ثوبن على كل عاري

وقت الرخاء ثوبن على كل عاري=لاكن نهار أللازمه مايغطيه
خطو السحوب اللي علومه هذاري=والمشكله من لايحلل هذاريه
يغتربه من لايشوف المواري=لو كان واضح بيناتن مواريه
تلقاه في هرجه نصوبن يماري=ويشكر معاريفه على الناس تمويه
ويـسـري مسار الذيب سار السماري=بالهرج ولا خايـبـن قل واليه
وتلقاه في صنع المعاذير ضاري=ولاكنه إلا ياخذه من مخابيه
عذره قرينله خوين مباري=وبالكذب يستافي ومن جاه يوفيه
ورجال مايدري ورجال داري=رجال يدريبه ورجال خافيه
وهذي هي الفرصات لبا المذاري=من شان عند الناس ياخذ ملافيه
وكثرت عصافير الزمن والخضاري=وياناس عفش الراثعه من يواسيه
تبي تحدا في شبوح التجاري=تجازي نصفها بول العام ماضيه
يرم الهدف محذوف شتف اليساري=وحذف اليماني مايصيبه ويخطيه
وبالناس منجومن قضى الوقت ساري=وليا نهيته ماسمع شور ناهيه
هذاك مثل اللي على درب جاري=ماجرب الدنيا غدا فيه واديه
ورجلن يشير لصح ويضى أستشاري=ياخذ من العريف والعرف مكفيه
وبالناس من يقول داري وقاري=ولاني بحاجة دافع الشور مهديه
حتى يغدي فيه الطريق الجباري=ولاهو بداري وين دربه موديه
وبالناس مثل اللي يدوج الحواري=وبليس في سب المخاليق باليه
ذولـي حمير أبليس في كل طاري=ومنين ماساق البغول بطواريه
أذهبهم الله ذاهبين الذراري=حاضرهم الفاسد مثل ماهو ماضيه
من العرف والمعروف خليا وقاري=وهذا مرض من يدمرنه مجانيه
والذيب فرخ الذيب سار الغداري=وجحر البساسه مايخرج سراحيه
ميخرج إلا قريبات المحاري=بـسن ولد بسن قريبه حراويه
عليه شبهنا العفون الهداري=أنذال ناسـن دايم الجار توذيه
غصنن على حاير هظيب المجاري=ومن النجاسه فاسد العرق يسقيه
هذا مرضهم خاربين الضماري=وساس الردا تردي سلايل ذراريه
ميلاع نار ولابـسـلوا حماري=أسباب نار وصلوها ماتواليه
عرضهم الله للمحن والعزاري=أبليس بالنيران يرمي هوافيه
أهل الختاله والردا والمزاري=والكل منهم خايباتن مساعيه
غير النذاله ناس برحت صحاري=طير الفلس بالعون مفاد راجيه
مطيعين مغديهم أطبول الصفاري=على هوى يمه يسير مواشيه
يديرهم في مستدير أندياري=وأهدافهم سـب الحمايل عناويه
شرار نار أبليس حذف المشاري=الله يملى فميهم من سـوافيه
عيونن تهل أدموع زرق العباري=على مواذ الناس وبليـس ترضيه
ون حامت العقبان جو الحباري=تلابـدن عقب الرعا والمشاويه
هيهات لايمدوقمات الاباري=سـاس الردا ماهو غريبن ترديه
مبنن على ساسن ضعيف أنهياري=وعش الحناد يطير منه حناديه
وكر الحرار ملولحات الصخاري=يطير من وكر النوادي نواديه
وعش الفلس تطير منه الثباري=مثبور والمثبور ماينغزي فيه
هذا وعلى مامر صبح وعصاري=ماجود والعين البصيره أتراعيه
قلنا على مصار نضرت تواري=وشعور منسوب الردا مانداريه

ورجـال مايـدري ورجــال داري = رجـال يدريبـه ورجـال خافـيـه
وهذي هي الفرصات لبـا المـذاري= من شان عند الناس ياخـذ ملافيـه
وكثرت عصافير الزمن والخضـاري= وياناس عفش الراثعه من يواسيـه

صح السانك
قصيده جزله من شاعر جزل
تحياتي لك

بن ردمان


ماشالله تبارك الله


كل قصيده اجمل من الاخرى اسجل اعجابي بقصائد


صح السانك وبيض الله وجهك

مرضي الوهبي


صح بدنك يالطيب شاكر لك مرورك


لاهنت

جريح الفرقا


صح بدنك أعتز بمرورك يالطيب

الله لايهينك

صح لسانك وبيض وجهك

صح لسانك على هالقصيده القيمه
ولاتستغرب منك
الجزل مايجيب الا جزل00
بانتظار جديدك00

نايف الحبلا ني

صح بدنك مشكور على المرور المشرف

الله لايهينك

نداء الغيداني

صح بدنك يالطيب يسعدني ويشرفني مرورك الكريم