(( ياوزير المعارف ))

(( ياوزير المعارف ))

ياوزير المعارف شــــــوف حالي خطيـــــر
حصّه ابغى مع الحلــــــوه ففصل البنـــات


وحده لغيـــــرها اعاهـــــدك ما اســـتديــر
بدر واللي فجانــــبها انجــــم صغيــــــرات


منسجن ياوزيــــــري في هـــواها واسير
وكيــــف للي فوسط السجن تحلى الحيـاة


قلت ابطلب يديــــــها وادفـع اللي يصــــير
بس قالوا بتفقـــــدها الرجـــــال الثقــــات


قلت ابآخــذ وساطــــة كل شيــخ واميـــر
قيــــــل فالامر ذا ماتنفـــــع الواســــطات


ويــوم عزّمت انا اخطفها ذكرت المصير
مســــلم ومومنن بالحشـر بعــد الممات


شــوف حبي كبيـر ودرب وصلي عسـير
سهّـــله ياوزيـــري لــي قبــــل الوفــــاة


قيــــل لايمكن ولاهـــــو براضي الوزير
قلت مزحــه ولاني نـــــاوي محـــرمات


باحتفظ دون حـــــل بهـــم حبـــن كبيـــر
اكتبه فالقصايــــد للحــــزن ذكريــــــات


ليــــــــن ربي ييســــــرها وربــي قديـــر
وتحت رحمـته ما فالكون ابد معجزات

فاصله::

لآتسافر........

صح لسلنك مبدع ماشاء الله عليك
مافيك حيله
لاهنت لاهنت الله يبيض وجهك

صح بدنك وربي لايهينك يااخوي البلادي والف نعم والله فيك

ليــــــــن ربي ييســــــرها وربــي قديـــر .......وتحت رحمـته ما فالكون ابد معجزات

الله يسرها ويعينك ههههههه

وجدانية عاطفية جميلة ليس بها تكلف


لك خااالص التقدير

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

قصيده وافيه ومن راس وافي


لاهنت ولاهان هذا الحضور


تقبل تحيتي

فواز الزويهري صح بدنك وعشت يااخوي الغالي

وحيد الجزيره
صح بدنك وتعيش يالغالي

الحب الباقي
صح بدنك وربي لايهينك