أنا في خاطري شرهه على الحربي و أبو مشعاب

هذه محاوره بين شاعر الخليج/صياف بن عواد السحيمي رحمة الله عليه والشبح حبيب العازمي .

ولايالله بليلـة مـن لـيـال (ن) تخـلـص الـطـلاب=وأنـــا ديـــان وأدور عـلــى ديــنــي وديــانــي
أنا في خاطري شرهة على الحربي وأبومشعاب=ولاأرضـى الصاحـب الاول يقنعنـي عـن الثانـي
نبي نِحضِـر لـك الاوراق وأنتـه حضرالكتـاب=لكن إذهـن يجـي واحـد مـن الكتـاب غلطانـي
أبومشعاب والحربي عطوك الجمروالمشهاب=تباهـا أيــات مـنـا ياولـيـد الـذيـب سرحـانـي
أنا ما أوحيت منكم علم لين إنـي طرقـت البـاب=وعقب إنـي طرقـت البـاب يالله ترحـم الفانـي
أبومشعاب فالتكسي وأبن عواد فالدباب=وشرهتهم علـى خـط الجمـوم وخـط عسفانـي
بعد حلق اللحـى ماعاد تنفع فتلة الاشناب=لكن اصبر على ماصار من شان العريباني
نشوفك ليلة الجمعـة تبارينـا علـى القـلاب=ولكـن انكسر فـي موتـرك سستـه ورمـانـي
ألا يـاعاقل العقال ألاياشايب الشياب=أظنك تحسـب أنـي حضرمـي فـي كـل دكانـي
يبا يبقى الغراب غراب زال أن التراب تراب=وهذي دبرة اللي حط له ريش(ن) وجنحاني
بغيت تحطنا في فمك واثرك عود مالك ناب=تحسب إنـا حـلا ويلحسـه روقـي وشيبانـي
لاتغزي ياحبيـب ثـم تفضحنـا مـع الاجنـاب=تـرى بندقـك قشـرا مالهـا خزنـه ونيشانـي
علينـا ماتمشيهـا ابـدون أثبـوت يالنـصـاب=سحيمي يالسحيمي سحمت والربع سحماني
أنا ماشلت سيفي مع عبـاد الله بغيرنصـاب=أسال سليم والهـذلان مـع غامـد وزهرانـي
ليا مني بغيـت أدق راسـك ماحسبـت حسـاب=أمشيهـا عليـك بمـزح وأمسحهـا يامسحـانـي
لونسلمـك مفـتـاح السفيـنـة تـغـرق الـركـاب=لكن أرتاح في غرب المويه وشرق رضواني

الله الله الله
رحم الله الشاعر الكبير صياف
وبيض الله وجهك يابو ناصر على الاختيار الموفق .

	الله يـعـطـيـك الـعـافيـــــــــــة على الاخـــتيار المــوفــق وصح لسان قايلها وناقلها بيض الله وجهك

	المشاركة الأصلية كتبت بواسطة الحميدي المخلفي

	الله الله الله رحم الله الشاعر الكبير صياف وبيض الله وجهك يابو ناصر على الاختيار الموفق .

مشكور على مرورك المشرف ابو محمد

صياف
ليا مني بغيت أدق راسك ماحسبـت حسـاب
أمشيها عليك بمـزح وأمسحهـا يامسحانـي
لونسلمك مفتـاح السفينـة تغـرق الركـاب
لكن أرتاح في غرب المويه وشرق رضوانـي


رحمك الله يااااااااااشاعر الخليج