مسرعك يالشاعر الحربي تطرف عصاك

هذه المحاورة جرت بين شاعر الخليج/ صياف الحربي رحمه الله
و الشاعر / حبيب العازميحبيب العازمي

يالله طلبناك ياسامع دعاء اللي دعاك= تكتب لنا الخير و الخيرة و مضمونها
جت منك ياصاحبي صياف و إلا علاك= يبا يدور الرحاء و يبين مطحونها
أن كنت من مسلمين إليا طلبته عطاك= ياهونها عند رب الكون ياهونها
أن كان غاب القمر تظلم و يظلم سماك= و تضيع التمره اللي شفت عرجونها
مسرعك يالشاعر الحربي تطرف عصاك= مقسمك من ورث ليلى ثوب مجنونها
أنا أحسبنك تجي و اثرك تزحف وراك= و علومك مكرتنه مافك كرتونها
هويت بنت النصارى لين شالت عشاك=و أن جاتك مبرقعه ماتعرف عيونها
أثر علوم الغليم غار حمضٍ وراك= لو يركب المركبة ضيع دركسونها
أحسن من اللي عطاكيها الحريبي هذاك= اتخم لحيانها و تحول إسنونها
لا و الله إلا لزمت الجمر و أحرق يداك=و أظن هاذي طبيعه ماتخلونها
تبأ تجيك السوالف كان ما الله هداك= يالجاهل اللي تقود العنز بقرونها
الحرب وجهٍ لوجه و باقي الاشتباك= ياليت حرب و عتيبه مايسوونها
تنفخ ذروبك و أبو عرام يلعن ثواك= العصر في سدها و الصبح من دونها
ياحرب يانعم يانعمين روحوا هناك= ترى هنيا علومٍ ماتدانونها
ياهيه ياللي رميت إفلان مدري رماك= أم الكباير تقرقع لك بجالونها
الظاهر ان العوازم كلها ماتباك= و لاتغن اللحون اللي يغنونها
أم الكباير تراها يالسحيمي تراك= سلم على راسها سلم على شونها
لا بالله أنته ترى كلٍ يدور رضاك= وافكرتي في حريبله و دندونها
لو قلت عطني رصاصة طيبه قلت هاك=صفراء جديده نظيفه ما أختلف لونها

الله يرحم صياف ويسكنه الجنه

الله يعطيك العافيه على المحاوره يالعوفي

لاهنت ياحميدان العوفي واحسنت الاختيار والله يرحم صياف بن عواد السحيمي ويبقي الشاعر حبيب العازمي وهكذا العمالقه تجي محورتهم دايم جزله وممتعه وشكرا يالغالي وتقبل تحياتي

الحرب وجة لوجه وباقي الاشبتاك

الله الله
رحمك الله يا شاعر الخليج
والله لا يهينك حيمدان العوفي على نقل المحاوره الرائع لرموز شعر المحاوره

الله الله على هل المحاورات الجميلة
والله دائما أذا كنت الحاورة بين الشاعرين الكبيرين
شاعر الخليج صياف بن عواد الحربي رحمه الله
والشاعر حبيب العازمي
تكون محاورة جميلة ورائع في الفتل والنقض
ويعطيك العافية يافارس عوف ونقول فارس عوف على الاسم القديم
عذرا لكن والله أنك تستحق الاسم
لكن أبسالك ياحميدان أنت من أهل المدينة ؟

جزاك الله خير ياحميدان العوفي على هالمحاورة
ومـــــــــــــــــــــــــــــــــاقصرت