لا والله الا طحت

واعذابي طحت ما بين روح ولا تروح = شفت برق التفرقه لاح في نو الكلام
لا متى والقلب حاير ومرتع للجروح = كل ما قلت اتفقنا طلع شبه انقسام
الحشا من حر فقدانه وجفوه يفوح = والزعل والضيق له بالمعاليق احتدام
نوّخ اركاب المواصيل واغتال الطموح = ما جنيت الا تعب ساقي وقل المنام
في زمن نضج العلاقه وروح تعز روح = شح في ربط التواصل وقصّر بالسلام
بعد ما عمرت في ساحة اماني صروح = يدني اركاب السفر مخلف اطبوع الحشام
كل ما جا للنهار الجديد اصدا وضوح = اتقلد من سلاح الجفا سيف وحزام
آه ياوقت ارتوي من صدر مزحه صبوح = والوفا سايد وطيبه وعزه واحترام
صار وضعه في تردي لا ضحك ولا مزوح = مفتقد شرطين شرط الغلا والانسجام
والله اني من حموله ولي قلبً نصوح = مير رق الحرف من مبسمه يخلف نظام
اكرمه ويمد لي كف يسراه الشحوح = نعنبو داره ما يعرف مفاهيم الكرام
عاشقه من قلب واللي مرافقنا الوضوح = باقي اسلمه محضر مقاليد المهام
قلت هذا اللي يحفظ السراير ما يبوح = يلمس احساسي ويدرا ويكتبني غرام
والصراحه لو رحل ! لا رجع للشوق روح = ماله الا قلب بابه كبر باب السلام

شاعر الحدث : نايف الحبلاني

صح لسانك يانايف قصيده جميله
بانتظار الجدبد

شاعر الحدث/نايف الحبلاني صح لسانك قصيده رائعه الله يعطيك العافيه

نداء الغيداني ... اشكرك على مرورك الجميل.......

اسماعيل ... اشكرك على مرورك العذب .......

شاعر الحدث/نايف الحبلاني صح لسانك قصيده رائعه الله يعطيك العافيه

ه ياوقت ارتوي من صدر مزحه صبـوح
والوفا سايـد وطيبـه وعـزه واحتـرام
صح لسانك يانايف قصيده جميله
بانتظار الجدبد

صــــــــــح السانك نايف الله يعطيك العافيه

فهد الحربي صح بدنك والله لا يهينك .......

غازي الزغيبي الله يعافيك ولا يهينك ...

اشكرك على المرور .......