رقه ونعومه وذوق

السلام عليكم ورحمة الله وبركاته ... أما بعـد ...


اخواني واخواتي أعضاء المنتدى المميز

أقدم بين يدكم قصيدة من كتاباتي أتمنى ان تنال اعجابكم ورضاكم ...

لكم القصيدة ...

رقه ونعومه وذوق مع زول فتان = تشبه عبير الورد في صبح يومه
غرو(ن) حياوي حيل ولباسه جنان = مثل القمر في طلته مع غيومه
كنه الهوى لا داعب اشجار واغصان = قام يتمايل بالدلع والنعومه
في خطوته يعزف تقاسيم والحان = والعين من عزفه غفت في حلومه
في ريشته يرسم احاسيس والوان = والكل حوله منبهر من رسومه
جماله اللي للملا صار عنوان = مغرور في نفسه ومنهو يلومه
الخد وردي والجفن بالوجه زان = وجهه ملاك وحتى في عز نومه
والا الشفايف توت وانتاج لبنان = من شافها ياناس ضاعت علومه
منهو يناظر مبسمه بين الأوجان = ينسى الخلايق لا حضر في قدومه
كنه ملاك الحسن في هيئة انسان = اليا مشى بخطاه يربك خصومه
من شاف طيفه كنه بجو سكران = من كاس زينه قد تناسى همومه
كنه طيور الحب في رحلة أوطان = تعزف جنون الشوق في كل حومه
مثل البدر لا طل والنور ما بان = نوره يغطي الكون وتسطع نجومه
كنه سفينة حب من دون ربان = تلعب بها الأمواج وتعصف سمومه
يروي فؤادي عشق لا صرت ولهان = واليا تعبت آذوق طعم الأمومه
شعري نظم في طلته قاف وأوزان = وهذا قلمي لا خط شمر كمومه
له بالهوى والحب والشوق ديوان = وأحكام مثلى تتفق مع سلومه
ان باع حب أشخاص ماهو بندمان = واليا شراهم يدبل بسعر سومه
هذي وصايف بنت من نسل غزلان = ومن صادف الغزلان شقق هدومه

وسلامتكم ...

تحياتي لكم ...

أخوكم / مهند الزارع .

الله عليكـ

قصيدة غزلـيهـ رائـعهـ

صـح لسـانكـ واعتلا شـانكـ

وربيـ يوفقـ ـكـ ،،،


أخوك/
بندر الزغيبي

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانـكـ وعـلا شانـكـ ...


رائعـة من روائعـكـ ... كما عودتنــا ....


لا عدمنـــاكـ يالغالي


تحياتي

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

راعي الحناكيه

صح لسانك ..
..
أسجل اعجابي بالقصيدة
..
ويعطيك العافيه ..

صح لسانك

وافيه يا وااااافي

لاهنت ولا فض فوك


لك التحية

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح السانك يالشاعر المبدع

قصيده من عيون الشعر


هذه الجزاله بعينها


سجل متابعتي


ولك سلامي

السلام عليكم ورحمة الله وبركاته
سلمت ودمت أخوي الشاعر مهند الزارع على القصيدة .
.
.
جزله ورائعه وصح لسانك
أخوك ابوساره