((حبيب ورث الطيب))

يامن جرى اسمه مع شرايين دمه=واضفى على الاسم المسمى سموه
سموه باسمه والاسامي مهمه=وياجب قبل لا احدد الاسم انوه
عن شايبٍ سماه باسمٍ يضمه=وعلى دماث الخلق زاده حموه
حبيب ورث الطيب والطيب عمه=بينه وبين الطيب لزمه وخوه
كد قالها قبلي زعيم الائمه=يوم البليهي يسطلي جمر ضوه
من لابةٍ ترقى على كل قمه=زبن الدخيل ليا تغطرس عدوه
حصنان يوم النازلات الملمه=يرعب صقيل سيوفهم كل قوه
عن ما مضى للجاي نزداد همه=ونزود مع زود الوفى والمروه
وللعلم يابو بجاد باقٍ تتمه=تجلى كدر من عكر الوقت جوه
الارقش الطلاع يمي ويمه=بيض النوايا والوفى والاخوه
اللي ينوشه نوش تثكل به امه=على العدى سيفي شديد الجروه
سيفٍ ينوش اعضاي مانيب ازمه=ولا اقولها خايف ولاني مموه
وانا حبالي ياردن كل جمه=ما نز رسٍ جمته في علوه
من هاجسٍ لا نفذ لقاف كمه=لاقال قوه مات ما قال توه
غاص البحر واعماقه المدلهمه=برقٍ تقصى كل عسَاس نوه
ماهو غرور ولا لغيري مذمه=ولا احط من قدر الخطيب المفوه
اشتت الهاجس بفكري والمه=والعصمه لخاتم ختام النبوه

ياسلام ياسلام


دره ياراعي الدرر ماشاء الله تبارك الله


شاعر وقصيده كما عهدنا فوق الشهاده


لا عدمناك

صح لسانك وسلم بنانك



قصيدة رائعه بروعة حضورك



لك تقديري

ماقول غير صح الله لسانك وبيض الله وجهك




قصيدة سنقرأها مرات ومرات .. فلله درك ..









ياسلااااااااااام .. ياسلاااااااااااام



كفو ..

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح لسانك .. وبيض الله وجهك على هالقصيده الرائعه

تقبل تحياتي

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

راعي الحناكيه

صح لسانك وسلم قلبك




قصيدة جميله لاهنت

صح لسانـكـ وعـلا شانـكـ ...


رائعـة من روائعـكـ ... كما عودتنــا ....


لا عدمنـــاكـ يالغالي


تحياتي