أزهم على الجوااال وأزهم على البيت

	المشاركة الأصلية كتبت بواسطة المحايد

	البـارحـة فــي تـالــي الـلـيـل دقـيــت=علـى الحبايـب مــار عـيـوا يــردون أزهم على الجوال وأزهم على البيت=حـتـى الـخـدم مايـرفـعـون التلـيـفـون مالهم حق ياأحمد قصيدة عذبه من شاعر متمكن

المحايد

والله انك صادق

شكرا على الحضور الطيب والاطراء المشرف

تحياتي لك....,

	المشاركة الأصلية كتبت بواسطة منصورالمعمري

	مساءك سكر : لاخاب ظني بـأي صاحـب تهقويـت أفارقـه بالوجـه الأبيـض ولايهـون طبعـي كـذا استغربـت والا أقريـت ويبقى غلاه بداخـل القلـب مصيـون وشلون أببعث حي والا اقتـل الميـت أبترك الصفحة مـن حروفـي بـدون تاخذنـي العـزة بإثمـي وإذا جيـت قلت الغلا من الله وأنا مابيـدي لـون اديار أقدر ناسها مـن سبـب بيـت وإنسان أجافي مـن سبايبـه مليـون أبو متعب : ابداااااااااااااع .. ويازينها من صوتك !! تحياتي لك وصح لسانك .

أبو ثامر

صح بدنك ولاهنت

وشكرا على الحضور والاطراء المشرف

تحياتي لك....,

احمد بن ناحل ............ لاجديد انت رائع كالعادة
انت والأبداع وجهان لعملة واحدة فلا يذكر الأبداع الا ومعة احمد بن ناحل
ولايحضر احمد بن ناحل الا ومعة المتعة والابداع
وفقك الله وشفى لك والدك وجمع له بين الأجر والعافية اللهم امين

صح لسانك ثم صح لسانك وتعلى شانك

اشهد انك جزل


لاهنت يالقرم

تحياتي وتقديري

	المشاركة الأصلية كتبت بواسطة أحمد بن ناحل

	السلام عليكم ورحمة الله وبركاته أسعد الله أوقاتكم جميعًا أبيات متواضعة لعلها تنال إعجابكم.,, أنا بالأرطاوية وجاي من هيت= أبغى القصيم وربك يكون بالعون رحال ماني مع قنوص وكواشيت= أتبع هوى وضح ن بها صرت مجنون كانك تبي تنشد عن الحال حييت = أنا بخير ولأهل الطيب ممنون ولامن جدايد غير قاف ن على (ايت) = يوم ان ................. وشغلت لي بمسجل الجيب كاسيت= غناء محمد عبده وفرقة فنون وكتبت لي بك يأتلع الجيد كم بيت= تعنيك يالمجمول معنى ومضمون البارحة في تالي الليل دقيت=على الحبايب مار عيوا يردون أزهم على الجوال وأزهم على البيت= حتى الخدم مايرفعون التليفون يانور عيني كان دوبك توريت=على فراقي لاتسارق على هون أنا ترى مااقبلت كان انت مااقفيت= مانيب من بعض المواضيع مغبون خذ الحقيقة كاش مادامك ابطيت= تراك معي من أول الوقت مديون أطلبك وتماطل بحقي ولا اوفيت= موعد على الراتب وموعد على الشون النفس طابت منك مره وأنا أجزيت= مقفي ترك مقفي ولا عاد يلفون أثًر خريفك في ربيعي وحتيت = خضر الورق وأيبست من فعلك غصون استوحشت منها الحمايم وغنيت= واستقبلت صوتي وغنت لي لحون ياذا الحمام اللي لأجل خاطري جيت= مااعذب هديلك لكن القلب مشحون ماعاد لي قدرة تحمل وسمًيت=أنويت واستهويت وأبحت مكنون وللصوت بأعلى نايف الرجم جريت= فرقًا عليها العلم وابليس ملعون النفس بتاعة وأنا ماتحريت = اجابة المقفين لوكان يوحون لاخاب ظني بأي صاحب تهقويت = أفارقه بالوجه الأبيض ولايهون طبعي كذا استغربت والا أقريت=ويبقى غلاه بداخل القلب مصيون وشلون أببعث حي والا اقتل الميت=أبترك الصفحة من حروفي بدون تاخذني العزة بإثمي وإذا جيت= قلت الغلا من الله وأنا مابيدي لون اديار أقدر ناسها من سبب بيت= وإنسان أجافي من سبايبه مليون وتقبلوا تحيات أخوكم / أحــمــد بن نــاحــل

صح لسانك يالذيب

.. ولاهنت

نص راقي ..و عذب المعاني .. !


سلمت مشاعرك ..


دمت بـ إبداع

راعي الحناكيه

	المشاركة الأصلية كتبت بواسطة المهندس

	صح لسانك قصيدة رائعة وبيض الله وجهك

المهندس

مرورك الأروع

صح بدنك ولاهنت

تحياتي لك

	المشاركة الأصلية كتبت بواسطة راعــ(البل)ــي

	لا تعليق مررت للمتعة التي أجدها دائماً في بروح صح لسانك تحياتي لك

راعي البل

صح بدنك ولاهنت

شكرا على طيب المرور

تحياتي لك

صح لسانك

قصيده وافيه من شاعر وافي

سلمت ولاهنت
تحياتي