لو الخطأ راعيه صعب احترامه

ياقلب لا تحزن ولا تدمع العين= ساير زمان اليوم واتبع نظامه
واصبر على ماجاك من عوج الآدنين=لو الخطأ راعيه صعب احترامه
إن ما تجاوزت الخطأ للموالين =الأجنبي مــامنه غير السلامه
يا اللي تبا المقدار بين المسمين= من لا إلتزم بالصبر عض الندامه
الصبر خصلة من خصال الميامين=والعقل ميزان الرجل وانتظامه
ياهل العقول مرجحات الموازين=للوجه سيمـا والمواقف علامه
والوقت يعطي والليالي ميادين=ومن عــز نفسه ماينقّـص مقامه
من واقع الدنيا منـول وهالحين=والرجل دايم هيبته من حزامه
يكفيك علماَ قيل بين الدواوين=من قول ابن ريفه صدق في كلامه
هذا وأنـا لي مقصدٍ بين قوسين=ماكـل من يتعب يحقق مرامه
ألآ عمل من يبذل الجهد بادين=ماضيع الله طاعتـه والتزامه
وألا الأوادم نوب لاشافوا اللين=بعض الأوادم يعتبرها رخامه
خطو الهـدوس الناقصـين المساكين=لازد ت واحدهـم ظهر لك زيامه
يظهر لك اللي مايغيض المعادين= وألا على الأصحاب مشطر احسامه
يصبح عليك من الدهر والمعاوين=غريزةٍ فيه إبتدت من فطامه
وإلا الرجال أهل الوفاء والقوانين= عن غيبة المقفيــن فيهم شهامه
ماهم على القط السقايط حريصين=من وجهة للغير صارت نمامه

صح السانك اشهد بالله انك شاعر جزل
الله درك ياغازي اطرب لقصائدك

قصيدتك كفو وانت نوماس وعلمك غانم

صح لسانك وانا اخوك على هلقصيدة الأكثر من رائعة

من شاعر جزل ومتمكن ..

شكرا ً لك من الأعماق على هذا الحضور وهذا الابداع

وتقبل خالص تحياتي وتقديري

صح لسانك وعلا شانك

والله يعطيك العافيه على القصيده الجزله

بيض الله وجهك

تحياتي

	الله يـعـطـيـك الـعـافيـــــــــــة على القصيده وصح لسانك مليون بيض الله وجهك

صح لسانك

وسلم بنانك

وبيض الله وجهك

شاعرنا / غازي الزغيبي ...

صح لسانك وسلم يمينك وعلا شانك ...

.


.

.

أوركيدا لشاعر وقصيدته ...

لمعة الجليد...

السلام عليكم ورحمة الله وبركاته
سلمت ودمت أخوي الشاعر غازي الزغيبي على القصيدة جزله ورائعه وصح لسانك
أخوك ابوساره

الاخ العزيز شاعرنا الجزل
غازي الزغيبي
صح لسانك مدد بلا عدد
جزله من شاعر جزل
غازي انت من الرجال الذين نفخر بهم
دمت بكل خير

سلمت وصح الله لسانه

قصيده وافيه من وافي

لا هنت

وتقبل تحياتي

بن فرهود الحربي