خلطة خبير التجميل مبارك الأشقر لتقشير الوجه والرقبه وتوحيد لونها

السلام عليكم ورحمة الله وبركاته

اليوم جبت لكم وصفه تقشير الوجه والرقبه من خبير التجميل التونسي مبارك الأشقر أكيد أغلبكم يعرفه .. مذيعة قناة ( هي ) تستضيفه كل يوم اربعاء في البرنامج واشترطت عليه انه في كل مره تستضيفه فيها لازم يقول للمشاهدات على خلطه وحده من خلطاته السريه ووافق على شرطها وقبل أسبوعين تقريبا قال عن الخلطه السريه لتقشير الوجه والرقبه وتوحيد لونها أنا بصراحه جربتها بس توني صار لي أسبوع بس لاحظت من أول مره الفرق بس مصره أكمل للنهايه :::: بسم الله يله نبدأ
المقادير :
حبتين جزر
حبه واحده بطاطس متوسطة الحجم
نصف ليمونه
بياض ثلاث بيضات ( فقط البياض وليس الصفار )
ملعقتين كبيره زيت اللوز الحلو ( وليس زيت اللوز المر )
ملعقتين كبيره زيت زيتون
ملعقتين كبيره سميد
الطريقه :
نسلق الجزر والبطاطس والليمون بقشورهم على النار وبعد مانسلقهم ونخلص نخلي موية السلق على جنب مانكبها لأننا راح نحتاجها بعد شوي ناخذ الجزر والبطاطس والليمون بقشورهم ونحطهم في الخلاط ونضيف عليهم نصف كوب من موية السلق + ثلاث بياض بيضات + زيت اللوز الحلو + زيت الزيتون + السميد ونشغل الخلاط لما تصير زي الكريمه واذا شفتي انها ثقيله مره ضيفي لها شوي من موية السلق المهم في النهايه تكون زي الكريمه حطي الخلطه في علبه وحطيها في الثلاجه..
كيفية وضع الخلطة على البشره :
تغسلين وجهك بمويه فاتره وتحطين الخلطه على الوجه وحول العينين والرقبه وتسوين فرك بأصابع اليد لكامل الوجه والرقبه ماعدا المنطقه حول العينين تسوين فرك بسيط جداً وتتركينها نص ساعه اغسلي وجهك بمويه فاتره وبعدها بمويه بارده لشد الوجه بعدين حطي اي كريم ترطيب تستخدمينه على بشرتك... الخلطه تستخدم ثلاث مرات في الأسبوع لمدة شهر كامل وتطلع النتيجه وهي تناسب جميع انواع البشره،،،
وأخيرا يابنات الخلطه اللي سويناها وحطيناها في الثلاجه نستخدمها لمدة شهر فقط واذا مر عليها أكثر من شهر في الثلاجه نرميها ونسوي غيرها
أتمنى اني أكون أفدتكم وأرجوكم أي وحده تسويها ترجع تقولنا على اللي لاحظته وأي أسئله أنا جاهزه

تسلمين غاليتي حلا حرب
مشاركه قيمه ومفيده
,
,
شكرا لج

وعليكم السلام ورحمة الله وبركاته


مشكوره على هذه الخلطه أختي

	مشكوره أختي همس الورود على مرورك

	حربيه وأفتخر أشكرك على مرورك

	مشكوره اختي القديره حلا حرب على هذه الخلطات الجميله بارك الله فيك

	أشكرك أختي أمة الله على مرورك تحيـــاتي لك

بارك الله فيكـ

أشكرك على مرورك العطر ياوردة تحيـــاتي لك

يعطيك العافيه ياحلانا