راشد السحيمي..و.. محمد بن طمحي

يازينها كل ماشبت شبوب= مابين عزوة عتيبه و الحروب
و أهل المعرفه يعرفون الدروب= أسأل مجرب و لاتسال طبيب
في ظميري دعاوي فوقكم يالحروب=فيه حربي من أهل الشام يدري بها
يالسحيمي سنه عيت لاتصف القلوب= و السبب عالمٍ قشرٍ هناديبها
قالوا محمد ولد طمحي حضر= قلت الله الله يبشر بالمطر
يقدح جهازه و يشر بالخطر=أسأل مجرب و لاتسال طبيب
ردها للشمال و ردها للجنوب=مار لالزمت حنا معازيبها
واحدٍ يدعي يبغى النبوة كذوب= بندقه تخطي الاهداف و تصيبها
أن كان خاويتني جبنا الطمع=و أن كان جنبت جنبت السنع
و اللي يعكس الحقائق يردع=أسأل مجرب و لاتسال طبيب
العقال الملون معه غتره و ثوب= كان جاتك هديه وش تسوي بها
ارعدي يامخايل ذعذعي ياهبوب=و الطراقيس تود علوم و تجيبها
أن كان عندك سوالف خافيه= هات السوالف ياما العافيه
مير أنت تنفخ و نارك طافيه= أسأل مجرب و لاتسال طبيب
رحلة الصبح مادورت فيها ركوب=و الهدايا عساك تعيش ماليبها
تابوا الناس غير بليس عيا يتوب= كل ماشاف له شله يغويبها
أعطيتك العلم و المعنى يجوز= و أبغاك تفهم كلامي بالرموز
حل المعاني مثل حل اللغوز=أسأل مجرب و لاتسال طبيب
نارنا يالشبابي للمعادي شبوب= و أنت يحرقك واحد من مشاهيبها
في يمينك عصاء لكن قلبك هيوب= مار وط العصا لاعاد تومي بها
هذا العتيبي ليا سولف معي = أشوف عينه قريبه لأصبعي
كلمه بسيطه تفقده الوعي=أسأل مجرب و لاتسال طبيب
أدري أنك ما أنته بليا عيوب= دايم تدور النكبات و تجيبها
شوف برقى و روق مخرقين الجيوب=روح و أكرم لحاها حف أشانيبها
هذا العتيبي يسولف من سعه= و إليا ضغط فوق راشد يوجعه
يشوف عشره يحسبها أربعه=أسأل مجرب و لاتسال طبيب
لو يجي ساعةٍ فيها الحساب محسوب=روس بعض العرب تلمس عراقيبها
صح حنا رحى و أنتم سواة الحبوب= و أن طحنا الحبوب يزين تأديبها
أنا أدري أنك وسيع و لاعليك = الآن مافيه حاجه في يديك
الله معك ياعقوبة والديك=أسأل مجرب و لاتسال طبيب
أنت مبطي تخض الماء و عيا يروب=ما مخرب عتيبه غير أكاذيبها

صح لسان شاعرنا الغالي ابوروامي

وبيض الله وجهك على النقل

الله يـعـطـيـك الـعـافيـــــــــــة
بيض الله وجهك

بيض الله وجهك اخي الكريم على النقل الرائع

	المشاركة الأصلية كتبت بواسطة مشعان الحربي

	صح لسان شاعرنا الغالي ابوروامي وبيض الله وجهك على النقل

مشكور على مرورك

بيض الله وجيه الشعار

ويعطيك العافيه على النقل والأختيار الراااائع

بارك الله فيك

تقبل تحياتي

ودمت بخير

يعطيك العافيه على المحاوره...
بارك الله فيك ...
تحياتي

صح لسان شاعرنا الغالي ابوروامي

وبيض الله وجهك على النقل

صح لسان شاعرنا الغالي ابوروامي

صح لسان شاعرنا الغالي ابوروامي

وبيض الله وجهك على النقل