السواط و صياف الحربي

أسعد الله مساكم من ضميرٍ صريح= وين صياف وينه جعل حظه يقوم
فيه حلمٍ و علم و فيه طبعٍ مليح=مار لنكه أمسى يعدثم عد النجوم
الله انه يعز اللي يعد الصحيح= و أن مشى في ديار الناس جاب العلوم
انت لاشفتني باللعب عدك تصيح= مار ربك على مثلك غفورٍ رحوم
الدواء عندنا نبغى نداو الجريح= أمطرت و رعدت و الصقر فوقك يحوم
لاتبيع الرخيص و لاتقدم قبيح=و أن غلبك الأمر ياراقد النوم قوم
لو عندك علاج الناس تطلع شحيح= كفك أعوج و ما أظنك تسد اللزوم
ياسواط اعرف القانون و إلا أستريح= خلني مع كبار الناس أصلي و اصوم
ريح عنبر و مسك و ريح وردٍ يفوح=آه من شمسك اللي غايبه فالغيوم
علموك اللكاعه لك لسانٍ فصيح= اتعبتك الليالي و أحرقتك الهموم
فيه واحد صويب و فيه واحد طريح=و أصبح الخوف نازل في قلوب الرخوم
أنت قدرك نهار العيد عياء يفيح= مار حطه في نيرة حرب و إلا البقوم
أكتم السر سرك للعرب لايبيح= و العرب ماتهاجم في نهار الهجوم
كل ماينصحونك في مصيبه تطيح=أحمد اللي ستر جسمك في لبس الهدوم
ياعسى الماء من الماعون جاله نضيح= ساع ماقسموك الناس عشره قسوم
لو بغى الذيب ينبح مايعرف النبيح=يعوي الذيب لاشاف السلاح محزوم
ابك زندي على الشعار يقدح قديح= و أنت حربي لكن ماقضيت اللزوم
مار ماني بسكر في بحركم يميع= أحتمي ماقفي في كل ساعه و يوم
يقدح الزند مير القلب يندح نديح= فيه قوه لاكن العزم فيه معدوم
سمح الله طريقك يالعميل السموح= لك ثلاثه في مكه و أربعه فالجموم
لا أنت حي و لا أنت ميت ذبيح= تلتفت يوم شاهدت الخصوم القروم
يبرق البرق من قبله و هب إلك ريح= و البحر تتعب السباح ياللي تحوم
ودي أعطيك من يمناي سمٍ ذحوح= الله أنه يلوم اللي في مثلك يلوم

الله يعطيك العافيه اخوي فارس عوف

	المشاركة الأصلية كتبت بواسطة راعــ(البل)ــي

	الله يعطيك العافيه اخوي فارس عوف

مشكور أخوي راعي البل على مرورك

نقل رائع
يعطيك العافيه يالغالي
اخوك الحب الباقي
دمت بخير

يعطيك العافيه على الملعبه...
بارك الله فيك ...
تحياتي

الله يعطيك العافيه اخوي فارس عوف

ياسلام

نقل راااائع لمحاوره راااائعه

بيض الله وجهك

تقبل تحياتي

ودمت بخير