قصيدة كورونا

السلام عليكم ورحمة الله وبركاتة

القصيدة فكاهية

يا أصحابنا كوفيـد مر وعفسـني
والصوت بعده ياملا كود بالهمس

جهد وتعب وأرهاق حل وفرسني
وحمى وقيدة بالحنايا لها حمس

والراس صدع ومن صداعه عمسني
والذوق وأيا الشم في أنطمس طمس

وأمسيت كني تحت مكبس كبسنـي
ومن طول ليلي قلت ماتطلع الشمس

وحاولــت بالليـمون فاللـي لبسـني
واصبح على الصبح صيدة نهار أمس

رحته على الدكتور محمود حسني
متخصص فالطب من جامعة شمس

جيـت ودخلتـه وأبتعـد مالمسـني
قلت السلام وقال لاتصافح بخمس

وبنظـرة الفاحـص بعـد مادرسـني
قال إنعزل وإياي وإياك واللمـس

أقـل مافي أضـراره إنه حبسـني
ومن أكبر أضراره ضحاياه بالرمس

واللي قضى به لي لطفه حرسني
وعدى علي بخير لو سبب العمس

صح لسانك وسلمت يمينك
الحمد لله مر ما ضر والله لايعيده

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك وسلم بنانك