تقول تحت عيونها تنعومه

ليل الدجا غيبت كل انجومه
كني مكلف في حساب نجومه

ماغمضة عيني وفكره صاحي
من ضيقةٍ بقصى الحشا مكتومه

ماهو هوا غيدا تهيم العاشق
تقول تحت عيونها تنعومه

مافي تشخيصه وصرف علاجه
يحتار فيه الطب للمعلومه

ماني مشرع باب ماهو بابي
من يوم عني صك باب الكومه

وعن الذلول اللي دبرها واضح
مثل اشقرٍ بالجو يبعد حومه

مدام ماهي عند ولد محمد
بمراح غير امراحنا ماسومه

رجال عارف ماعلي وليه
وعن يوم مافطر فيه كيف اصومه

الله يعز الدار واللي فيها
لو الشوارع كلها ملغومه

اخر زمن حتى الصديق الصادق
يمكن يجي بهدوم غير هدومه

انا صديقي محزمي وسلاحي
سلاح ردع وخنجرٍ مسمومه

وغيره قليل بمهنتي صدقاني
من ساحل تهامه ليا القيصومه

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

مبدع ياأبو تركي من يومك
صح لسانك مليارات

صح لسانك على الكلام الجميل