قصيدة في ولي العهد الامير سلطان بن عبدالعزيز

البال ضامي والمعاني كما البير =ومن يارد الجمه يبي يعود رويان
يوم القصايد قدم عيني مزابير =مثل البكار الفاتنه سحر الأعيان
إخترت منها ما يسر النواظير =بكره عمانيه بلا سرج وعنان
لا درهمت قدام صف الجماهير =صفق لها شخص ٍ على الوضح شفقان
وإليا دخلت في شوط قدم المناعير =منزالها الأول ماهي تطلب الثان
في خدها وسمي وفالجنب تقرير =مضمونها يرسل لأبو خالد الآن
سلام يا نسل الرجال الأباطير =اللي لهم في صفحة المجد عنوان
أبو اليتامى والضعوف المكاسير =يبذل خفا ماهو يجاهر بالإحسان
هداج تيماء فالليال المعاسير =شيخ الكرم والطيب طلق الحجاجان
سلطان بك ميزه فريده عن الغير =إسمك حروفه عز والفعل نيشان
السين سيـّـد خصك الله بالخير =تعطي طناخة رأس ماأنته بمنان
واللام لامديت سقت التباشير =للي شكى في تالي الوقت حرمان
والطاء طيبة قلب واسمى التعابير=ترسم على وجهك ليا شفت مرضان
والالف أحلى من حليب المصاغير=شوفتــْـك متــْـعافي وفي خير وآآمان ..!
والنون نايف بين كل الأساطير =مْن العراق لنجد ولــْـساحل اعمان
إسمي سواة إسمك ولا أظن به ضير =أبوي سماني على طير حوران
لأجل أفتخربه بين كل المشاهير =ربحان من سمي بهالوقت سلطان
حتى المرض مابه ترى عيب ياأمير =لاقال أبي سلطان من بد الأكوان
لأنه مثل ما قيل للذنب تكفير =وخير إمتحان بصدق في قو الإيمان
وأنته نجحت بفعل خير التدابير =بعد الولي اللي على الفعل برهان

وسلامتكم

صح لسانك اخوي سلطان

قصيده جزله من شاعر جزل

لاهنت

سلطان الفريدي
صح لسانكــ وعتلا شانكــ
وبيض الله وجهكـ

سلطان الفريدي صح لسانك قصيده جزله من شاعر جزل وبارك الله فيك والمناسبه رائعه وتستحق
اكثر ومشكور ياسلطان 0"

صح الله لسانك وبيض الله وجهك

صح لسانك يالفريدي

قصيده في غاية الروعه

تحياتي وتقديري لك

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

رحم الله الامير سلطان واسكنه فسيح جناته
و
صح الله لسانك
ولاهنت
وسلم فكرك وبنانك