ما بين حبَّين

جديدة يا إخوة آمل أن تنال رضاكم:

أنا بحبك يا الشريفا مستصيب= إلى تركتك صار في صدري غلقة
يا ديرتي ما اصخيك و الله للغريب=اللي يحطّك في حبال المشنقة
حتيش لو هو لي صديق(ن) أو نسيب= من روس برقا أو من شيوخ روقة
الجو مابه ما و لا عندي قليب= مطق، و الغطّاس به راح مرقة
إلى نثرت الما يجي كنِّه حليب= من كثر ما به من ملوحة مهرقة
سقوى على عيني الى شفت الشعيب= يظك مابين الرعن و المحرقة
ليته يسيل من الوسم لو هو جذيب= و ما جا بدربه من تعدي يغرقه
أنا طريح فراش من صدّ الحبيب= الجادل اللِّي من يشوفه يعشقه
حبه بقلبي ما يداويه الطبيب= سبحان من سوّى صفاته و خلقه
حطيت يالغالي على قلبي صليب= و اصبحت مابين الحجر و المطرقة
و اصبحت كنِّي في البلد شخص(ن) غريب= الى ذكر وقت(ن) مضى صبّ عرقه
تمت و لا باقي بها غير السريب= و هذاك لا تامنه من كثر علقه

الحبيب الغالي الصييفي

صح السانك يالغالي وعلي شانك وبيض الله وجهك

والله يوفقك ان شاء الله

اخيك ابوروان

الشاعر الصييفي

صح السانك على القصيدة الجزله والرائعه

ابدعت فيها

بيض الله وجهك

دمت بود

الشاعر الصييفي

صح السانك وعلي شانك

والله يعطيك العافيه

قصيدة رائعه

الله الله الله


ياسلام


ما اروع الشعر


لله درك يادكتور

بيض الله وجهك اخي الشاعر الصييفي

وصح الله لسانك

ويعطيك العافيه على هذه الرائعه

تقبل تحياتي وتقديري

ودمت ودام ابداعك

صح السانك يالصييفي

وعلي شانك

قصيدة جميله

	المشاركة الأصلية كتبت بواسطة ابوروان النويمي

	الحبيب الغالي الصييفي صح السانك يالغالي وعلي شانك وبيض الله وجهك والله يوفقك ان شاء الله اخيك ابوروان

هلا بك يبوروان،

شكرا لك على مرورك و على جهودك في هذا الصرح.

لك و للرواد كل تحية

	المشاركة الأصلية كتبت بواسطة بندر الحربي

	الشاعر الصييفي صح السانك على القصيدة الجزله والرائعه ابدعت فيها بيض الله وجهك دمت بود

أرحب يا بندر الحربي،

شرفني مرورك.

دمت و دام تواصلك.

	المشاركة الأصلية كتبت بواسطة بني سالم

	الشاعر الصييفي صح السانك وعلي شانك والله يعطيك العافيه قصيدة رائعه

هلا و مرحبا بك يا بني سالم،

مرورك أسعدني،

دمت و دام حضورك

صح لسانك وبيض الله وجهك قصيده جميله جدا لشاعر اعشق وأتابع قصائده...
كما تعودنا ابداعxابداع دائما...
لك جزيل الشكر على التواصل ولاهنت ..
لك الود والتقدير....
تحيااااااتي لك....