( يعطوني المشلح بعد صح الله لسانك )

حرّك يابو مشعل بجيب اطرازه برادو
كِنّه مصّم لك ومستورد على شانك
شغلّي التّسجيل ماابغى تشغّل الرّادو
صوتك يابو نوره جميل وتطرب الحانك
وياجيب واقرانك عليك بحُسن مازادو
واللي يعدّك شيك يكشخ فيك ماهانك
تصميمك المتقون ضاها نهضة النّادو
ياسعد منهو فكّ بالتّمليك بيبانك
فخامتك تغري لذا ناقينك اعتادو
قمّة رفاهيّة وتمدح صانع إتقانك* *
في فزّتك موصوف مثل إعصار ترنادو
تثبت مع اللفّات والميدان ميدانك
إفخر يابو مشعل مادامك شاري برادو
الجيب مايخذُلك وانته عزمك احصانك
لوله جناح الطّايرة سمّوه تِرنادو
يحوم فالقمّة ويرجع عند عنوانك
تشغيلته بالتّقنية صُنّاعه اجادوا
ولوقفته هيبة وفيه الظّن ماخانك
نوصل به لديرة رجال بقدرهُم سادوا
ديرة هلي وأهلك وجدّاني وجدّانك
نسمة هواها عافية مثل الأفوكادو
وجبالها ورمالها دُرّك ومرجانك
ديرة كِرام ومايجوع اللي لها ارتادو
يامنزل الأجواد يسطع نور جدرانك
منسب حمد عزوة عن الميقاف ماحادو
يادار ذكرك معتلي من طيب سُكّانك
حلو النّبا منّهم يشوش الرّاس لانادو
من قوّة التّرحيب تسمع وش فاذانك
وانا ليا جبت القصيد ابشعري آشادوا
يعطوني المشلح بعد صح الله لسانك

الشّاعر/ خالد بن عبيد بن معتوق الأحمدي

كفو تستاهل كل خير
صح لسانك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة