ديوان الشاعر حمدان دراج القايدي

.
.
.
.
.
.
.
.
.

خلك على الطيب لاتعاتب = كثر العتب يجرح الاحساس
وبفعلك الزين لاتحاسب = تكون دايم حبيب الناس

.
.
.
.
.
.
.
.
.

سبحان ربي عظيم الشان = ياالله ياعالم بحالي
اطلبك ربي عفو واحسان = واطلبك تحقيق آمالي

.
.
.
.
.
.
.
.
.

أترك ماضي الزمان يروح = لاتعيش نادم على الماضي
وتعيش وقتك أسى وجروح = ويروح وقتك على الفاضي

.
.
.
.
.
.
.
.
.

من بعد مازانت احواله = والرب بعد الفقر أغناه
اليوم يبخل بامواله = حتى شماله شكت يمناه

.
.
.
.
.
.
.
.
.

ليت العمر ينشري واشريه = أشريه لو كان بالغالي
من ضيع الوقت مايمديه = مافات مايعود من تالي

.
.
.
.
.
.
.
.
.

قدرك ترى يوصل الآفاق = ويزداد فوق الأفق ويطوف
شوف مسكنك داخل الأحداق = تنظر معي دايما وتشوف

.
.
.
.
.
.
.
.
.

خلي الزعل قوم واتونس = العمر كم فيه من ساعه
لاتزيد همك ولا تيأس = وتعاني الهم بانواعه

.
.
.
.
.
.
.
.
.

غزال عدى لمحته بطرف = فارع والاوصاف مملوحه
زين الحلايا وشكله ترف = وعيونه وساع مذبوحه

.
.
.
.
.
.
.
.
.

الله كانوا معانا أحباب = دايم معانا مصافينا
أسأل أبغ عذر من غاب = وشهو السبب ليش ناسينا

.
.
.
.

من تجربه عشتها بالأمس = مازال معيه الأسى باقي
ماقدر أبين ولو بالهمس = من خوف لايظل باعماقي