ورتكم عد الروى بالكليبين

((سعد المحمدي))

‏ورتكم عد الروى بالكليبين

ومن الثرا رفعتكم لثريا

ولقيت فيكم للمعادي معاوين

حاولة اعدل عوجة العود عيا

مير اسمعو مني من الشعر بيتين

ماكل ماتبغى الخلايق تهيا

((راعي المكاشيت))

‏‎كفــو يابــوتركي كعــام المعادين

يالنــادر اللي بالمـواقف وفــــيا
،
يومـنها بانت فـردت الجـناحين

وكويت عدوانك على الكبد كيا
،
سقيتهم من علقم الشعر كاسـين

وعطيتهم من فيض شعرك حميا
،
وعلمتهم درسٍ يدرس من سنين

ماتمشـي العوجــا عـلينا كذيـــا
،
((‎ خلف المريخان))

‏‎كفو وفعلك له شهود وبراهين

مايجحده ياكود نذلٍ ... وعيا

صنديد لاعدوا رجال الميادين

كفك على لطم المعادي مهيا

واقبل تحيات الوفاء ياحمر العين

من صاحبٍ رد القوافي حميا

((سند العريمه))

‏‎انا اشهد انك وافيٍ .. بالموازين

وتكوي عدوك .. بالعباريد .. كيا

وانته نجاحك غَث كل الحسودين

اللي ..هقاويهم .. لعوبة .. عميا

لاجاء نهار .. الكارثه .. والأكاوين

تقول مامنهم .. ولاشخص .. حيا

ولاجاء نهار السلِم جونا مغيرين

من عجهم نصف البسيطه ..غميا

((س الصبحي))

أنصح لكم بالفرض وملازم الدين

فرض الصلاة وصوم مادمت حيا

الشعر عندي بيت يسوى الملايين

احكم معاني الشعر واطويه طيا

بالفعل والقوة نهزم السلاطين

والترك دسناهم هناك وهنيا

((تركي المحرول))

مافيك شك الياغداء العلم علمين

الراس يقدح بالسطر والحمياء

هذا الكلام اللي عليه البراهين

والحر يعرف والحديه حدياء


((‎‏‎سعد عبدالله الفريدي:))

انااشهد انك داهية يا احمر العين

ويديك بالفعل المشرف مليًا

وسورا على ربعك مثل سور برلين

كان المنازع والمعاند تهيا

وحصل مثل حرب العرب في فلسطين

عزالله انك تكوي الخصم كيا

((نايف غازي الحنيني))

فعلك بميدان البطولة براهين

وراسك تقادح بالسطر والحميا

درعٍ على الشدات وسط الميادين

وسيف ٍ على العدوان فعله سطيا

لاجاء نهار (ن) فيه للعلم علمين

ضلك به العربان دايم تفيا

ولاينكر المعروف كود الرديين

ووقت الشدايد ماتكلم بشيا

صحت السنتكم
والله يـعـطـيـكم الـعـافيـــــــــــة
بيض الله وجيهكم

قول تقوله ثابتن فالميادين..
مايجحده ياغير رجلن رديا..

البيض ترفع لك بروس القنانين..
ياشاعرن فيه السطر والحميا.

الله يديمك ذخر للي مسمين..
وتبطي لنا يابن المحاميد حيا..

	المشاركة الأصلية كتبت بواسطة الحب الباقي

	صحت السنتكم والله يـعـطـيـكم الـعـافيـــــــــــة بيض الله وجيهكم

صح بدنك يابن العم

	المشاركة الأصلية كتبت بواسطة ابوهليل

	قول تقوله ثابتن فالميادين.. مايجحده ياغير رجلن رديا.. البيض ترفع لك بروس القنانين.. ياشاعرن فيه السطر والحميا. الله يديمك ذخر للي مسمين.. وتبطي لنا يابن المحاميد حيا..

الله الله
عليك يابو هليل
جزل جزل وماعليك زود يابعد راسي

الله الله صحة السنتكم وبيض الله وجيهكم مبدعين ومتميزين

الله يعطيك العافيه

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحة ابدانكم الجميع

صحــت السنتكــم
دمتم برعاية الله وحفظة