لله در ضروف الايام يامنيف

لـلـه در ضــروف الايــام يــامــنــيــف
تكـشـف قـناع الـزيـف وتـبـين الناس
وقـت الـشـدايـد للـرجـل فـيه تصريف
امـا ثـبـت والا دفــن هـامـة الــراس
احــدٍ عـلى الـشـدة عظامه غضاريف
حـيـله ضـعـيف ولا على صحته باس
واحــدٍ عـلى الـشـدة عـزومه مغاريف
يـطـفـي لـهـبـها لـيـن تـبـرد وتـنـداس
يـقـولـهـا اللـي ذاق مـر الـصـواديـف
مـن مـر بـقـعـا ذاق كاسٍ بـعـد كاس
لـكـن ثـبـت مـثـل الـجـبـال المشاريف
ولاطـاح حـيـلـه يابـيض الوجه للياس
فـي مـاقـفـه مـا يلحقه ياالوفي حيف
ماقـف شرف لو بار جحـدر وجساس
يالين جـتـلي واسـتوتـلي عـلى الكيف
وفـهـقـت حـملي واستـرديـت الانفاس
يامـنـيـف عـن مـايـكـتمن السراجيف
اعـطـيـك مـوجز والمعاني لـهـا سـاس
احذر من الي مـعـدنـه زيف في زيف
واحذر من اللـمعة على مـعـدن نحاس
خـلـك مـع الـي مـعـدنـه دون تـزيـيـف
مـخـبـر ومـظـهـرصافيٍ مـثل الالمـاس
وارفـع مـقـام الـنفـس مـن غير تكليف
واحكم هـوى نفـسك مع العقل بقياس
واحـذرعـلى الدنيا تـزيد الـتحـاسيف
لمعنت فيها تضرب اخـماس باسداس
الـيا ادبـرت هـبـت عـليك الـعواصيف
والـيـا اقـبلـت تـنساق مع كل نسناس
ايـامـنـا بالـعــمـر عــدّة مــضـاريـف
واقــدارنـا وسـط المـضـاريـف حـباس
نـشـعـب ركايـبـنا عـلى طاري الريف
وتــرجـع ركـايــبــنـا والاريـاق يـبـاس
مـن تـجـربـة دنياي ما هي سـواليف
ولاهـي عـلـومٍ للـتـسـلـي والاونـاس

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

ياسلاااااااااام ياسلاااااااام

صح لساااااانك ملااااااااين

صحت ابدانكم وعلا شانكم

صح الله لسانك
ولاهنت
وسلم فكرك وبنانك
دمت برعاية الله وحفظة

صح بدنك ولاهنت حفظك الله

السلام عليكم ورحمة الله وبركاته
سلمت ودمت أخوي الشاعر مجرد انسان على القصيدة .
.
.
جزله ورائعه وصح لسانك
أخوك ابوساره

صح بدنك طال عمرك

صح لسانك

بيض الله وجهك

صح بدنك وماعليك زود