قالت اسمع / بقلمي

قابلت بعض الناس والجو بارد
قلت السلام وجاني الرد بارد
يمكن عدم المعرفه شي وارد
مااهتم بي كثير وواصل مسيره

قرَّبت منها اشوي والسوق زحمه
قلت اسمعي يابنت لو ربع كلمه
خلي عندك للعاشق اشوي رحمه
من يوم شفتك والدعاوي خطيره

قالت سمعتك زين يابن الحلالي
لكن انا ابسألك مالك ومالي
ضايقتني بالسوق في كل حالي
ابعد عني اشوف امورك عسيره

قلت الهدف يابنت مني سليمي
ابيك بالحلال والله عليمي
معك شاعرك المحترم السليمي
شافك مزيونه وامتلكتي ضميره

قالت اسمع دام انت عاشق وشاعر
وسيطر عليك الحب وصدق المشاعر
وعرفت اعلومك كلها والمصادر
خذ الكلام الصدق مافيه غيره

هذا عنوان ابوي كانك تبيني
ابيك عنده يالسنافي تجيني
هذا كلامي بس بينك وبيني
واللي خلقنا عالمٍ بالسريره

قلت اسلمي هذا الذي كان ودي
ودي اضمك واحط يدك بيدي
على السنه كل الصعايب اتعدي
والمعذره ياالغاليه يامديره

*نجم حرب*

نايف عبدالله السليمي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك اكثر ولاهنت /

تحياتي لمقام سموكم الكريم :

صح لساااااانك ملااااااااااااايين

	المشاركة الأصلية كتبت بواسطة ابوهليل

	صح لساااااانك ملااااااااااااايين

صح بدنك مليارات ولاهنت /

تحياتي لمقام سموكم الكريم :

صح الله لسانك
ولاهنت
وسلم فكرك وبنانك
دمت برعاية الله وحفظة