دنياك ياسالم بها الداين امدان

(سعد المحمدي)
سئلت صور المقبره ياسليمان
عن ميتن باقي مع الناس حيا
وردت علي المقبره يابن دومان
جسمه ثرا والروح فوق الثريا
واللي على داره شوايا ورعيان
عليك يالنشاد مابه كميا
قلت الله الله ياتصاريف الازمان
هي ليه سوت بالنشاما كذيا

( مجاراة الشاعر سالم محمد السليمي )

بالصبر حـارب ياسعد مر الأحزان
وشـــرواك مـاتـخـفــاه هـــذي وذيا
المـوت سـنـه قـافـي الإنـس والجان
ومـن عـادة الـدنـيـا تـسـوي كـذيا
بصدوفـهـا لو نـلـتـفـت ياسعد كان
يـبـطـي بـنا جـرح الـصـواديف نيا
لـكـن ترى اكبر نعمه احيان نسيان
واحــــيــان والله لــــو بـغـيـنـاه عيا
واكـبـر وفــاء للـراحل اللي بالاكفان
ادع وتـــصــدق عــنــه فــيـمـا تهيا

(سعد المحمدي)

دنياك ياسالم بها الداين امدان
ومن لاصبر تطويه الايام طيا
الصبر مفتاح الفرج ياكحيلان
والبدو قالو تالي الطب كيا
ليت الخلف مثل السلف باهل الشان
ونقول ياشجار الغضى فيك فيا
شتان مابين الفريقين شتان
هناك والا يالسليمي هنيا
حطيت للموضوع طاقه وبيبان
ورد السلام ان جيت سمح المحيا

صحت السنتكم
والله يـعـطـيـكم الـعـافيـــــــــــة
بيض الله وجيهكم

سالم محمد السليمي

بالصبر باسي يا ابن دومان مالان
لي تحت عرفي عن لضى الجهل فيا
ويــوم الـصـبـر لمحّكم العقل عنوان
بالـدرب صـبـري لأضـلـم الليل ضيا
واللـي تـقـول وشفت شفته بالاعيان
اشـكـي عـلـيـك اللـي شـكـيـتـه عليا
والـشـكـوى لله لـو لـنـا عـقـدهـا بان
لافــــي يـــدك حـيـلــه ولا فـــي يـديا
للـطـيـب تلقى براعي الطيب نشيان
وعـلــى الــــردي لابـد مـاتـشـوف غيا
///////////////////
سعد المحمدي
ماقول فيك اقصور ياطير حوران
شاعر والا انته يالبناخي رديا
الدرب من جده ليا حد خيطان
يلزمك قصه يالشجاع
الذكيا
البحر الاحمر فيه لولو ومرجان
والبر فيه من الجمل للحديا
ارفع لها مع طلعت النور نيشان
ويمكن تحل رموزها ياخو هيا

ياسلاااااااااااااااااااااام

مبدعين

صحة السنتكم جميع

	المشاركة الأصلية كتبت بواسطة ابوهليل

	ياسلاااااااااااااااااااااام مبدعين صحة السنتكم جميع

صح بدنك يابو هليل

مجاراه من الشاعر ابو هليل
باجاري الشعار لو كنت غلطان.
بالي سواه الفكر ماهو بنيا.

حسب الذي قريت والعلم نيشان.
مادري قريب الوقع والا قصيا.

ليت المنا يصير ياذرب الايمان.
كان الجبل ماراح مثل السفيا.

قدام لاتشكي وتاخذك الاحزان.
للمعتصم وابن المغيره بقيا.

صح الله لسانك
ولاهنت
وسلم فكرك وبنانك
دمت برعاية الله وحفظة