مساجله

*الشاعر فهد عبدالله المزيني*

*يستاهل التكريم مثلك وشرواك*

*ياشاعرٍ عالي مع الناس شانه*

*خسران منهو ياسعد من تحداك*

*موقفك يشهد لك بصدق وأمانه*

*دم الحميّه في عروقك تولاك*

*وقام ايتدفق بالسطر والذهانه*

*حرب تفاخر كل ماحل طرياك*

*ياشاعرٍ دون القبيله لسانه*

*ماهي مجامل لا عسى الله يحماك*

*ماقف ابو تركي قليل بزمانه*

*بالمرجله لامست بالكف الأفلاك*

*ولاهي غريبه يارفيع المكانه*

*والله لو حنا نعدد مزاياك*

*زادت رقوم المدح للناس خانه*

*انا اشهد ان الله من الطيب اعطاك*

*وتوجته بتاج العقل والرزانه*

***************************
*رد الشاعر سعد المحمدي*

*حياك ياراع التماثيل حياك*

*ياشاعرن غير الجزاله تكانه*

*ياطيب مكنونك وياطيب مبداك*

*وافي ولك عصم الشوارب مدانه*

*بالطيب جعل الله يديمك ويرعاك*

*ويكفيك شر اهل الفتن والعانه*

*مدحتني وانا اخطايه على اخطاك*

*ماني بزايد عنك شعر وفطانه*

*يسلم لسانك يالمزيني ويمناك*

*ياللي عن الهزلات عندك حصانه*

*العود جعله جنة الخلد رباك*

*ورفعك فوق النايفه عن طمانه*

*ذكر الحقايق يافهد من مزاياك*

*والهرج عن هزله تخير سمانه*

*هذا مردي يابيض الوجه وعفاك*

*حسب البيوت الوارده والميانه*

صح لسان الشاعر فهد المزيني ولسانك يابو تركي
وانت كفو وتستاهل

	المشاركة الأصلية كتبت بواسطة منصور الغيداني

	صح لسان الشاعر فهد المزيني ولسانك يابو تركي وانت كفو وتستاهل

صح بدنك وماعليك زود

صحت السنتكم
والله يـعـطـيـكم الـعـافيـــــــــــة
بيض الله وجيهكم

تستاهل التكريم شاعرنا العلم

صح لساااانك ولسان زميلك بيض الله وجيهكم

صحــت السنتكــم
دمتم برعاية الله وحفظة