*-( آلاد بشر أهل العدود الروية )-*

مشاركتي :

فواز بن محسن الزويهري الحربي

في حفل الشاب عماد بن عطية البشري الحربي


*-( آلاد بشر أهل العدود الروية )-*

➖➖➖🍂➖➖➖

ياعماد لك مبروك يابن عطيه
مثل العسل مجناه من عالي الوقب

و مبروك مثل المزن فالعقربية
خيره غزير ويروي الحي لا صب

و نقول يارب السما و البرية
تكتب من التوفيق لعماد ما حب

يابن الرجال الوافيات الغنية
باخلاقها بامجادها بساسها الصلب

و الله عسى يديم الليالي هنِيِّه
و يبقى سناها داخل العين و القلب

و الليلة الميقاف ماقف حمية
ما دامني حربي وهذا حفل حرب

حرب الفخر حرب الرجال الابية
حرب السطر للجد له ريحٍ تهب

الطيب عملتنا وله صيرفيه
والحرب لعبتنا ليا نارها تشب

وإن جات للهقوة نجيب القصية
وإن جات عند الورد في أول الشرب

هذي عويدنا في صبح وعشية
ما نخلف العادة و بالساير نهب

قلته و أنا من روس قوم عليه
زويهري والعز بالفعل ينسب

ربعي زويهر عزوة صيرمية
تبني صخر فوق الثريا و تلهب

سلام ياقصر المعزة تحية
قصر منيف مضلل الشرق و الغرب

آلاد بشر أهل العدود الروية
أهل القنا والسيف يوم اللقا صعب

صالوا على اللملوك واخزوا خويه
وحطوا بيارقهم على قافر الدرب

وخلو عساكرهم شتات وضنيه
مثل الجمال الهيم ولا التي جرب

تاريخ بالامجاد و المقدرية
خطوه بشر الفخر يشهد له الرب

أهل الكرم وأهل البيوت الذرية
مضرب مثل فالجود من عد يتعب

وما خاب منهو كان بشري خويه
خوي جنب و فالمواقف مجرب

والليلة ... الليلة حضوري هنَيَّة
تكميل لهل الطيب والواجب ينب

➰➰➰〰➰➰➰

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

والنعم بالجميع
صح الله السانك
لاهنت

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

	المشاركة الأصلية كتبت بواسطة الكحيلة

	والنعم بالجميع صح الله السانك لاهنت

صحت ابدانكم وسلم غاليكم

صح الله لسانك
ولاهنت
وسلم فكرك وبنانك
دمت برعاية الله وحفظة