*من حمسة البن اليماني*

أبيات بعنوان :

*من حمسة البن اليماني*


بقلم / فواز بن محسن الزويهري


〰〰🍃🍃🍃〰〰

من حمسة البن اليماني لك دروس
في تربية نشأك على كل طايل

البن لانّه نَيِّ ماهو بمحموس
مايحيي الدلة ولا له جمايل

مثل الولد لاجاك فالبيت محبوس
ولاَّ الدلع ... خلَّاه كالزبد سايل

وبنٍ يزاد فحمسه يصير ممسوس
وعن مست النيران دوِّر بدايل

ولد العصا يمشي مع الناس ملموس
كن الأبو للأبن لطام عايل
ً
ومنهو فحمس البن فوق الغضا يسوس
وخلَّاه مثل الذود شقرٍ أصايل

تفرحبه الدلة وتكرم به الروس
فنجال كيفٍ للرجال الدلاليل

مثل الولد لا كنت ترعاه بحسوس
مثل النبات اللي عليه المخايل

بينك و بينه شعرة تنكر الموس
ما بين شد و هون خير المسايل

هذا الكلام اللي مع الفاهم يروس
ومن لا فهم يبعث لنا بالرسايل

🍃🍃🍃🍃🍃🍃🍃🍃

ومن لافهم يبعث لنا بالرسايل

الرساله صح لساااانك

	المشاركة الأصلية كتبت بواسطة ابوهليل

	ومن لافهم يبعث لنا بالرسايل الرساله صح لساااانك

صح بدنك وسلم غاليك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك وسلم غاليك

صح الله لسانك
ولاهنت
وسلم فكرك وبنانك
دمت برعاية الله وحفظة