الليالي تدور. ................

أبيات بعنوان : الليالي تدور


بقلم / فواز بن محسن الزويهري الحربي


〰〰🍃〰〰🍃〰〰

المعالي ما تليق إلا لهلها
والنجوم يرومها روادها
والدلال إن كان جالك حثلها
طشها لاخير فاللي قادها
والجميلة حظ منهو شالها
والردية توسم اللي عادها
والرجال الصح عند أفعالها
الدهر لا شد قوة زادها
والليالي تدور فوق عيالها
ماتفيد إلا الذي قد فادها
لو تنوخلك جبار جمالها
تطرحك لا رمت فوق شدادها
تلعب الدنيا على جهالها
يوم تخلط حرها فبرادها
كم غرير غرته بآمالها
يوم تعقب دلته برادها
والفطين اللي يداري بالها
ما قربها ولا بعد عن مادها
إن لفته ومدته فنجالها
ما ثنى الفنجال رغم ارفادها

🍃🍃🍃🍃🍃🍃🍃

صح الله السانك لاهنت
ولاهان مقامك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك