إهداء للشيخ / مشعل بن عبدالمجيد بن حمادي البشري الحربي

السلام عليكم ورحمة الله وبركاته







يالله يالمعبود واحنا لك عبيد
ابدأ بذكرك والنهاية تلحقا
ياحي يارحمن وعقابك شديد
وفضلك وهبته للكريم المنفقا
شاعر واروض بالجزيلات القصيد
للشعر نقاده وله متذوقا
سلام مني كنه العقد الفريد
معه الصفا بوجودكم متألقا
اليوم أعده فالقبيلة يوم عيد
من فرحتي اسجد شكر للخالقا
مبروك يامشعل يابن عبدالمجيد
ياشيخ مشيه على وضح النقا
هامتك قامت على الساس الجويد
ساس الكريم اللي عراه موثقا
ابن حمادي راعي الصيت المجيد
بين القبايل ذاع صيته وارتقا
يوم الفقر ذيبه مع الوقت العنيد
عنه العرب ورى محمد تدرقا
رمز الكرم والجود والراي السديد
انسان في حل الصعاب موفقا
وانتا شبل ذاك الأسد والله شهيد
حقيقةٍ بها لساني ينطقا
لو الخبر جانا وكلٍ له يزيد
ناسٍ تبا تشمت وناس مطفقا
الكل واثق بالبراءة شي أكيد
الحق يظهر لو يكون مطوقا
واللي عرف مشعل يعرفه مايحيد
ولايستمع في هرج جاه ملفقا
لو مادرينا بالليالي وش تريد
ندري عن المقسوم شي محققا
والصبر عند الابتلاء مطلب مفيد
معه الفرج مكتوب حسب المنطقا
وعلى محمد عد مايولد وليد
صلو وفالتقصير عذري مسبقا

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله السانك لاهنت
مراقبنا وشاعرنا القدير
بخيتان البشري
لاهنت