امانه يسئل المسئول عنها

من الحد الجنوبي جيت عاني

بعيد الدار عنكم ماحداني

ابا ارد الجميل اللي عليه

جزا الاحسان مذكور الحساني

لو ان احمد ومرزوق المفرح

رجال الطيب وطوال اليماني

صعيب ارد ماسووه فيه

كلامن مايبيله ترجماني

راع الاولى يسمونه لحاله

مثل معروف مع قاصي وداني

بعد تنويه نبدا بالسلاما

سلامن ريح هيل وزعفراني

على كل الحضور من القبايل

باليله كنها عيد ارمضاني

يشرفني حضوري عند ربعي

حزامي لاختلف ممشى زماني

مزينه والنعم مليون مره

رجال الطيب عالين المجاني

اهل جيره وخوه وستقامه

اخفاف نفوس وثقال الصياني

واليا عادة لخشم البندقيه

بنهارن ترجع العشره ثماني

مقابس الوغا ستر العذارا

حقايق مالها تفسير ثاني

بعيدين المغازي وقت فايت

على عوص النضا حرش الثفاني

وصفرن من بنات الريح ضمر

يشوشن لارخو احبال العناني

يقوله شاعرن في حرب يفخر

قبيله شانها بالوقت شاني

مساريح الضفر وعيال سالم

هل الوقفات لامس البطاني

لهم بين الملا قدر ومهابه

قبيله مامشة درب الهواني

موحد صفها دايم موحد

والا تسمع كلام السيفهاني

تبون الكلمه اللي مابعدها

على القمه عن الدار الطماني

وقبل مختم كلامي يالنشاما

ابي من وقتكم بضعة ثواني

معي علمن وودي
تسمعونه

ماكن القلب ينطقبه لساني

ترا العدوان ببنانا غزتنا

حقيقه شعبنا منها يعاني

يغرر في صغار السن فينا

وتجند ضدنا بيا مكاني

ياكم وكم شفنا من جرايم

لها يندا جبين المودماني

علينا نصحهم ومتابعتهم

ماينفع ليت لافات الاواني

امانه يسئل المسئول عنها

بيومن فيه ماتفيد التماني

صح الله السانك يالجزل

لاهنت شاعرنا وبيض الله وجهك

عبدالعزيز
صح بدنك وماعليك زود

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله السانك يالجزل

لاهنت شاعرنا وبيض الله وجهك

صح السانك وبيض الله وجهك

الحب الباقي
خليف المزروعي
صح الله ابدانكم
شوفني مروركم

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله ابدانكم
الجميع

الشاعر سعد المحمدي

صح لسانك وطاب بيانك
يستحق العنوه مفرح الهبيري وعياله شغاميم
من اكبرهم لاكبرهم وشهادتي فيهم مجروحه
وانت وافي عساك ماتهون ياشاعرنا العلم