لعب الأيام

ياوجودي وجد من لعبت الايـام فيه
اختلف منها وعانى وضيّع وجهته

عـيّـت تخليه الايـام ياخذ مايبيه
لاعطته اللي يبي عودت وارتدته

وياوجودي وجد من ضاقت الدنيا عليه
انقضى صبره وقامت تغصّه عبرته

حدتّه سود الليالي على سود الوجيه
وش يسوّي دام سود الليالي حدّته

من هموم كل ماسج قلبي تحتريه
بيحت سدّي وعزمي وحالي هدّته

ياصبر قلب المعنّا على همومٍ تجيه
كل يوم يجيه هم ويجدد علته

يذرف دموعه على خدّه ويصفق يديه
دمـع عيــنـه كـل يومٍ يغرّق خدّته

فهد خالد العياضي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح بدنك
وجهك أبيض

صح الله لسانك
ولاهنت
وسلم فكرك وبنانك
دمت برعاية الله وحفظة