"؛"؛"؛"؛"؛"؛"؛"؛"؛"؛ ( هقوة اللاش )"؛"؛"؛"؛"؛"؛"؛"؛"؛"؛

السلام عليكم

قصيدة بعنوان : (( هقوة اللاش ))


بقلم / فواز محسن الزويهري الحربي


🌿🌿🌿✒✒🌿🌿🌿


هقوة فراعي لاش هقوة غشامة
واللي تهقوا فخامل الجنب لاعاش

ما كل من بالراس حط العمامه
رجال .. يبري علةٍ داخل الجاش

بعض العرب مثل البعير الهلامه
اسمه جمل لكن ما يحمل قشاش

وبعض العرب جرمه بجرم النعامه
يخش راسه وساعة الجد ينحاش

وإن جيت في وقت الرخا والسلامة
تشوف عنتر والهلالي على فراش

وإجيت وقت الصعب عند العسامه
لاعاد عنتر والهلالي يبا انعاش

والناس فيهم صقر وفيهم حمامه
وفيهم مجرد لحم يمشي ويعتاش

وفيهم كبير البخت مثل الغمامه
في موقفه يروك من غزر ورشاش

ولا شفت رجال ن تعزوا بعمامه
وقال الفخر خالي مفكك للاحراش

اوصيك في مثله تعزوا ... مرامه
فوق الجدي وسهيل لعلا السما ناش

هذا كلام الصدق وآخر ختامه
نقش الصخر يفرق عن خطوط الارياش

🌿🌿🌿🌿🌿🌿🌿🌿

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك وسلم غاليك

صح لسانك على هذا الشموخ
تقبل مروري وتقديري

صــــــح لسانك
ويعطيكـــ العافية ولاهنت

صح الله لسانك
ولاهنت
وسلم فكرك وبنانك
دمت برعاية الله وحفظة