مهداة للعقيد خالد البيضاني

دن الجرس في هاتفك رد ياحسين= صوته يدل انه من البعد عاني
نادى علي بعد صلاة المصلين= وانا مقابل شبتي والاواني
اخذت انا الهاتف ورديت فالحين= والياه رجل مفتسر في المعاني
قال السلام وقلت انا اهلين واهلين= عداد من صلى وصام رمضاني
حياك ربي وانت يالذيب من واين= من ذا العزيز اللي سلامه نصاني
وقال انا من ربعك اللي موالين= اهل الثلاث البيض فاول وثاني
خالد ولد حمدي على العسر واللين= من الودوع ربوعكم من زماني
قلت الله الله والنعم بالشياهين= ياولاد الابيض نهجكم ماخفاني
اعطاني من العلم روس العناوين = وباين لي ان الرجل طيبه غشاني
اثنى على ماشاف وسط الدواوين =واثنى على جداننا والمكاني
وانا بعد ماشفت من علمه الزين= حبيت اجاوب من بطيبه عناني
حملني الرجال واثقلني الدين = مجبور اسد الدين قبل الاواني
سويت في خالد من الشعر بيتين= عسى لعل اجازي اللى جزاني
مقدارهم عندي على الراس والعين= يستاهلون مرجحين الوزاني
يالايمي لولمت ماحنا بدارين = عن لومكم في مدحنا للذهاني
نمدح عيال الجد مااحنا بغاوين =في مدحنا لاهل العلوم السماني
لوشفت ابن حمدي في وسط الميادين = صدقت مدحي في الغبا والبياني
ياما فزع في فك ناس مساجين= وياما في دفع الظلم شال العواني
في ضل حكام على الخير ناوين= خيريعم الناس قاصي وداني

والنعم بالمادح والممدوح

صح السااااااانك يابوماجد قصيده جزله بيض الله وجهك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح السانك وبيض الله وجهك

قصيدة راااايعة

صح الله لسانك
ولاهنت
وسلم فكرك وبنانك
دمت برعاية الله وحفظة