2727 لغز الهدايا.. محلول من سيف الضافي صح السانه

السلام عليكم ورحمة الله وبركاته
اللغز للجميع دون استثناء والأسناد من موده وتقدير للمستشار القدير

من شاف أبوهليل ترى الشوف شابح =شابح وشبحه يم شوق الرعابيب
ونكان للِّغز ياهَل اللغز ذابح =سِلُّو على ذبحه سيوفٍ محاديب
خمسٍ تبادرها رِجالٍ تضابح =اللي على مد الجزيله مواثيب
قول المثل فالأولات الروابح =والرابح اللي بادَر الطيب بالطيب
الأوله للِّي على السّبْق رابح =تِهْدا في يومٍ فيه جزل المواجيب
والثانيه تِهْدا بهدْي المذابح =والثالثه تِهْدا وضمن المجاليب
والرابعه ما كسْبَها كسب قابح =والخامسه من تاليات المطاليب

صح لسااانك

جزاله متناهيه

ولغز محبوك فيه شهادات واشادات

والبحث عن الحل جاري

وعليكم السلام ورحمة الله وبركاته

صح السانك يابو فيصل على اللغز الجزل بـــ

سبكه

وحبكه

واسناده


ورقمه


جاري التفكير

السلام عليكم ورحمة الله وبركاته
صح اللسانك يابو فيصل
عندي رمعة تقل كني واثق منها
وش رايك بهدايا / التبكير للحضور لصلاة الجمعة .
بحثت ولقيت هالحديث ( عن أبي هريرة رضي الله عنه أن رسول الله صلى الله عليه وسلّم قال :( من اغتسل يوم الجمعة غسل الجنابة ثم راح فكأنما قرب بدنة ومن راح في الساعة الثانية فكأنما قرب بقرة ومن راح في الساعة الثالثة فكأنما قرب كبشاً أقرن ومن راح في الساعة الرابعة فكأنما قرب دجاجة ومن راح في الساعة الخامسة فكأنما قرب بيضة فإذا خرج الإمام حضرت الملائكة يستمعون الذكر».

تأييد تام لرمعة سيف الضافي

صح السانك والسانه

+ 1

صح لسانك مليون يابوفيصل بيض الله وجهك

وشرفتني فالاسناد تشرفت عند مولاك

والغز والله ماني عارف وش المطلوب حتى اعرف الحل وهذا عيب فيني وليس فالغز
لذلك كلي شوق لمعرفة الحل والاستمتاع بالابداع الكامن خلف هذا الغز الثمين
وهذا ليس بغريب فقد تعودنا منكم الجزاله الله يوفقكم ويسعدكم

تحياتي واحترامي لكم

صح لسانك يابوفيصل ويستاهل الاسناد ابوهليل

والله من عنوان اللغز انكشف اللغز وقضى عليه سيف الضافي مؤيد لرمعته

	المشاركة الأصلية كتبت بواسطة نداء الغيداني

	صح لسااانك جزاله متناهيه ولغز محبوك فيه شهادات واشادات والبحث عن الحل جاري

صح بدنك يانداء الغيداني

شكراً لهذا الاطراء الجميل

اللغز عند سيف الضافي صح لسانك ولسانه

	المشاركة الأصلية كتبت بواسطة حسيـن

	وعليكم السلام ورحمة الله وبركاته صح السانك يابو فيصل على اللغز الجزل بـــ سبكه وحبكه واسناده ورقمه جاري التفكير

صح بدنك يابوعلي مشكووور مشكوور والجزل راسك لاهنت ،

التأييد منك تأكيد

صح الله السنتكم
لاهنتم
ولاهان مقامكم