الامن نعمه

لامن والله نعمةٍ مالها حدود
----------نعمه ثمنها مايقدر بالاموال
فقدانها ويلات واحزان وقيود
----------وحياة بؤس وشرفي كل الاحوال
وهونٍ الرجال اهل المواجيب والجود
----------بيعة عمر ماهي سواليف وجدال
الذل بعد العزً ماهو بمحمود
----------يخلف موازين المعايش والاحوال
ما ينفع الخايف لياصار مطرود
----------ومشـــردٍ مابين وديان وجـــبال
وجوعٍ وطي اضلوع والابن مفقـود
----------ومهــددٍ بالموت من كل الاجــــيال
بين المرض والهم والخوف والدود
----------وتشرب مرارات الالم شرب فنجــال
لو لامن مفقود لك عـدو موجـــود
----------ياقاتل او مقـــتول فــكّر بهــالحــال
وهرج السعه ماهومثل هرج مضهود
----------هرج السعه له حال والضيق له حال
بعيدفرق البيض عن عتمـة الســود
----------وبين العراء ومفاخـر اللبس ترحـال
دمعـــة حزن من فاقدٍ كل مـــولـــود
----------تفرق عن الضحكه على طيب ودلال
ياهـيه هــون واترك افــكارك السـود
----------لاتحصّل اللي ماخطرلك على البال
احسب حساب الموت والنقص والزود
----------ماعمر بالتخـــريب كون له ابطـــال
الــرجـــــل عـن داره فــدائي ونمــرود
----------ورجلٍ يطيع اعـــداه ماهــو برجـــال

تسجيل تواجد في منبر الجزاله
صح لساانكـ
بيض الله وجهك

صح بدنك مستشارنا الفاضل
ووجهك ابيض وتقبل تحيتي وتقديري

الــرجـــــل عـن داره فــدائي ونمــرود
----------ورجلٍ يطيع اعـــداه ماهــو برجـــال

الــرجـــــل عـن داره فــدائي ونمــرود
----------ورجلٍ يطيع اعـــداه ماهــو برجـــال



الــرجـــــل عـن داره فــدائي ونمــرود
----------ورجلٍ يطيع اعـــداه ماهــو برجـــال

هنا بيت القصيد
لاهنت وصح السانك
الله يحمي وطنا ورجاله من كل مكروه
مابقي للمسلمين سند الا هالبلد
قلب الاسلام الله يحميها بحمايته
ونحتاج مثل هذا الشعر لا التوعية والتنبيه لمايحاك ضد وطنا

الشاعر/صلاح الحيسوني صح السانك تسلم أبيات قمه حقيقه حسيت انني أقرأ قصيده صح وتوظيف جميل
لاهنت ياابن العم . من هذا المستوى وأفضل ان شاء الله . تحياتي لك .

صح بدنك شاعرتنا القديره والوطن هي الام وينبوع الحنان وفقدانها
ليس سهلا ولاكن الاتكال على الله
ولك جزيل الشكر والتقدير واهنيك على وطنيتك

صح بدنك الفارس الباسل والشاعر الكبير
سند العريمه وذوقك يزيدني شرف واعتزاز
ولك اجمل تحياتي وتقديري

صح الله لسانك
ولاهنت
وسلم فكرك وبنانك
دمت برعاية الله وحفظة

صح بدنك اخي فهد بن غانم مرحبابك الف

صح لسانك وبيض الله وجهك

وسلمت يمينك اخي صلاح الحيسوني