2598 لغز للجميع.. محلول من عامر الروقي صح السانه

السلام عليكم ورحمة الله وبركاته
لغز تم بناءه بصيغة لاتشوبه شائبه عساه ينال اعجاب الجميع

رتَّبت لي لغزٍ على قاف أُوووها =لغزٍ يجمّل زاهيات الحروفي
بنتٍ كريمةْ طبع من طبع أبوها =اللي على نيْل المراجل شُغوفي
في سلْم الأجاويد ماجنّبوْها =يوم اختها ماقِدّمَت للضيوفي
والطايله يأهل الوفا ماثنوْها =تلْزم ملازيم الرجال العُروفي
رغم ان هلا تسبق مداريك ابوها =ويقصر مداها عن خطاة الضعوفي

صح لسانك ونظمك ولا هنت
وش رايك
اليد اليمنى

وعليكم السلام ورحمة الله وبركاته


صح السانك يابو فيصل على اللغز الجزل


جاري التفكير

ارحبووووووو

صح بدنك وصح لسااانك وبيض الله وجهك على الحل الخاطف

(( اليد اليمنى ))



وش حاصل في اللابتوب عندي

صح بدنك يابوعلي

المعذره يااخوان اللابتوب جاه ماجا لابتوب واحد من الربع هنا هههههههههه


اللغز قضى عليه ابوناجي صح لسانك ولسانه

ايمن ولغزك ايمن وبياض الوجه كاسيك يابوفيصل

ولي الشرف في حل لغز من نظم ابوفيصل وشرواه
احترامي وتقديري
لشخصك

عليكم السلام ورحمة الله وبركاته
صح لسانك يابوفيصل لغز رايع
وصح لسان عامر الروقي على الحل
الله يعطيكم العافيه
تحياتي واحترامي للجميع

صح بدنك ابوهليل والرائع في الموضوع تشريفك له

تحياتي

صح السانك يابو فيصل على اللغز الجزل

وصح السانك يابو ناجي على الحل المثالي

صح لسانك يابوفيصل اللغز الجزل مالحقنا عليه لكن تولها ابوناجي وقضى عليه

صح لسانك يابوناجي على الحل المثالي