ديوان قصائد الشاعر ( أحمد العامودي )

هذه القصيدةكتبتها معارض
في قصيدة سمعتها من الشاعر
عبد العزيز ابن الشاعر المعروف
سعيد ابن مغلي السلمي رحمه الله ويرثي فيها
صديق وعزيزلنا وهوخاله االشيخ والشاعر المعروف
المرحوم ساعد ابن فراج الثلابي السلمي رحمه الله وأااسكنه
فسيح جناته

قال العمودي غالي السعر نشريه=مالي بسوق الرخص روحةوجية
وللطيب وسم يبان في وجه راعيه=صدق النوايا والوفا والروية
وحياة ساعد شفتها كلها فيه=صدره وسيع ويكره العنصرية
يشرق سوات الصبح في وجه لافيه=ينصاه بالترحيب والشاذلية
كريم يوم الله من الخير يعطيه=يعطي الخوي والجار جزل العطية
ولو امدحه طول العمر مايكفيه=مير أطلب الرحمن وارفع يديه
واقول يالله عنه ترضى وترضيه=صديقي أللي له حقوقن عليه
أللي العرب لليوم بالخير تطريه=من اليمن للدولة الفارسية
وهيض عليه يوم غنى بناخيه=يرثيه بابيات القصيد الشجية
عبد العزيز أللي نعزه ونغليه=يستاهل التقدير والمدروية
من صغر سنه ماللك الملك مسقيه=شربة قراح من العدود الرهية
ابوه بن مغلي كما المسك طاريه=ومعروف خاله والعزاوي قوية
قوله كما ذوب العسل في مجانيه=سالم من التزوير والعنجهية
زعيم قوم الله يعزه ويحميه=من الحسد واهل النفوس الردية
وانا العمودي غالي السعر باشريه=مالي بسوق الرخص روحة وجية