يمه دخيلك لا تموتين

هذه الابيات كتبتها قبل وفاة والدتي رحمها الله رحمة واسعة واسكنها فسيح جناته عندما كانت في العنايه بمستشفى الرس

يــمـه دخـيلـك لا تـمـوتـيـن تكـفـين = ردي عــلي الصوت لا تـفجعـيـني

عيشي فداك اللي بقـالي من سنيـن = للموت يا امي واللحــد قــدميــني

اما يا خذني يا حـيــاتي وتــبـقـيـن = وإلا يا خـــذني معــك ما تتركيني

لا تتركــيـني يا بعــيـدي وتمضيـن = عـنـــــي لا حي ولا مع الميتيني

لا تتركـيني يا امـي تـراي هالحين = امـوت واحــيــــا كلما تمرضيني

العـيـن يا بعـد النظـر اذرفت لين = جــفـــت وهـلــت دمـها يا معيني

اطرق لك باب اللي خلقنا من الطين = ويـدك الحنونه ما اطلقتها يديني

اظـمها بقـلبي يا قــلـبي وأنا بين = حـال الـرجاء والياس متناحريني

نوب الرجاء بك يا غـناتي يمنين = ونوب اختنق والياس عنك يحديني

ما تشيلـني لا جيت اغادرك رجلين = ارجــع قـبل بـاب العـناية يجـيـني

اسمع صدى صوتـك كــأك تنادين = تــعــــال ودع جـنـتـك يـــا جـنيني

تـعـال ويـلي عـنـك ويـلاه من وين = تلقى وأنا امك في عزاء يا ضنيني

تـعـال ويـلي عـنـك من لوعة البين = تقضي على فـرقاي عمرك حزيني

واصرخ بدون شعـور لا لا تموتـين = اثره غـــــلاك اللي يهرج يا وتيني

لـــو غـبتي الله لا يـقـوله عن العين = يا نور عيني اصبح الكــون شيني

والله ما عــاد اشوف بالكـون لونين = إلا اسود من الكحــل باقي سنيني

والله ما يـبقى من الفـرح لو تغيبين = فــرحـــه ولـو لأطـفـال معـيـديني

لوغبتي ياعيوني عن عيوني منين = لعــيــوني قرة عين يا نون عيني

[/font][/b][/center][/size][/color]

الاخ تركي العوفي
صح لسانك وعتلا شانك
الله يرحم الوالده ويغفر لها ذنوبها
ويجعل قبرها روض من رياض الجنه
ويلهمكم الصبر والسلوان

صح لسانك وعتلا شانك
الله يرحم الوالده ويغفر لها ذنوبها
ويجعل قبرها روض من رياض الجنه
ويلهمكم الصبر والسلوان

الله يرحم الوالده ويغفر لها ذنوبها
صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة سعد المحمدي

	الاخ تركي العوفي صح لسانك وعتلا شانك الله يرحم الوالده ويغفر لها ذنوبها ويجعل قبرها روض من رياض الجنه ويلهمكم الصبر والسلوان

[size="4"][font="arial black"][color="blue"][b][center][font="arial black"] [size="4"][center][b]

هلاوين يا سعد حرب

صح بدنك وصفى زمنك

شرفتني فعلا بمرورك ايه الفاضل

الله امين

	المشاركة الأصلية كتبت بواسطة نديم المجرة

	صح لسانك وعتلا شانك الله يرحم الوالده ويغفر لها ذنوبها ويجعل قبرها روض من رياض الجنه ويلهمكم الصبر والسلوان

صــح بدنك وصفى زمنك

وتقبل الله منك

شرفتني باطلالتك الوضاءه

	المشاركة الأصلية كتبت بواسطة فهد ابن غانم

	الله يرحم الوالده ويغفر لها ذنوبها صح الله لسانك ولاهنت وسلم فكرك وبنانك دمت برعاية الله وحفظة

صــج بدنك وصفى زمنك

شرفتني بمرورك حياك ربي

وتقبل الله دعائك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صـــح بـــدنــــك مليونين على الاطلاله الوضاءه
ووجهك عسى الله يعافيك

[table1="width:65%;background-image:url('http://dc01.arabsh.com/i/00074/mq3atb9egppt.gif');border:4px solid red;"]