ردي على قصيدة شاعرنا خالد الأحمدي (( لاتحسبه قصده يعارض حكومه )

السلام عليكم

مساجلة فواز بن محسن الزويهري وخالد بن عبيد الأحمدي

أرجو أن تنال القبول والرضى



البدع من صقر المراقيب خالد بن عبيد الأحمدي

الرّزق عند الله عدله قسومه=لاكن نسعاله وناخذ بالاسباب
وكلا ً يبا يسعى يحقّق حلومه=ويرضي طموحه دامه الرّاس ماشاب
وخذّ قصّة مواطن عسى ماتلومه=كافح بعلم ٍ زين ماهو بنصّاب
لاكن كفاحه مامحاله همومه=في وقت يطعم شهد لانسان لعّاب
مسكين حضّه ماجلب قوت يومه=في موتره لفلف ولاشال ركّاب
ماغير راكب ماتسرّه هدومه=شاله وحطّه دون لاياخذ احساب
وإذا لقا راكب يسدّد لزومه=ياخذ قسيمه مدبله كل ماجاب
بعدين روّح يبسط بجحّ كومه=في موتره مجموع باخضار واعناب
في درب كثر اجناس فيها زحومه=وجاه المراقب يعطي انذار بخطاب
ليت الامانه بالمواطن رحومه=اسم ٍ بلا مسمّى ولا يكسب اعجاب
انظامها ياخوك مكثر رسومه=ياخذ ولاينفع ورى الرّزق طلاب
واليا دخل لسّوق قصرت عزومه= مادام حكم السّوق في يدّ الاجناب
ودّه بقاله تعطي الحض ّ قومه=لاكن راس المال واجد وغلاّب
عاش البطاله عاف زاده ونومه=لنّه بدا ينعاف باصحاب واحباب
شحّ العمل في فرصته طال صومه=دام العماله فالبلد ضدّه احزاب
ولو يشتغل بالفين ماهي خدومه=هذيك تخدمّ من تناديه( بيساب)
كل شي يافوّاز زادت سهومه =وماهو لمطلوبه بالالفين جلاّب
ولو هو شكى شكواه تاصل خصومه=ولاضنّ فيه انصاف والخصم كذّاب
والوقت يافوّاز كثرت رخومه=قلّ الشّجيع اللي ينومس للاقراب
كم ناس ضدّ الشّعب تكره قرومه=تمسكّ مناصبها وتقرصّ كما الدّاب
ومعلوم ابو متعب ّ تنومس علومه=لو هو درا عنهم يضرّبهم الباب
جاكم خطاب اللي تشرّف سلومه=وان كانه اخطابه محيّر للالباب
لاتحسبه قصده يعارض حكومه=حلق اللحا ماهو كما حلق الاشناب
حنّا مع آل اسعود حشمه لزومه=نبقى نصون العهد وانكيد الاغراب
ناقف معا ً والوقت نمحي جرومه=ومانقصر المجهود فكفاح الارهاب

الرد من / فواز بن محسن الزويهري

يابادع القيفان بحرك نعومه =ونجيب من غب البحر كل ما طاب
وربك رزق وحش الفيافي لحومه=والداب الاعمي رازقه دون مخلاب
والصقر والنغري وديك ن وبومه=كلن رزقها الله باليسر واتعاب
وأشباههم فالناس ماكل طعومه=ولاحِيل دون الرزق لا قِدر احجاب
اللي كتبلك لازم إنك ترومه =مكتوب فالارحام من قبل الانجاب
عن الركاب أو فالسواري امخطومه=أو سير رجلي بين وديان وهضاب
ما تنال غير اللي نصيبك يسومه=ومن دق باب الرزق بالجهد ماخاب
ولاضاق درب اسلك طريق ن يشومه=لوكنت في ورقان بالفاس حطاب
وياسايق التكسي قليل ن غنومه=مافيه لضميان ورد ن ومشراب
عنيت نفسك بعد عشرين حومه=مشوار واحد ماجمع حق الاعطاب
في ما مضى التكسي كثيره نعومه=دايم محمل في ذهاب ن وفي ياب
اجرتك بالعداد تفرح برومه=واليوم لاعداد ولا ركب وازهاب
ممنوع تحميلك وزادو سقومه=النقل في حكر المشاوير نهاب
وحجز المواتر والقسايم صرومه=لظهر .. وان الوقت مايل بمشعاب
وتلقى ولد هنود ينفخ جذومه =يفتل اشانيبه ويرسل لبنجاب
ويرشي ويغشي كل مكسب بزومه=واحنا معاهم مثل مركون الاخشاب
وذيك الامانه بالخيانه نهومه=جده مضت واليوم فتبوك ننصاب
جو الامانه ما صفا من عسومه=دام الهوامير العواتيل نواب
لاترتجي منهم ياكود الغرومه=أنت غريم وحطو من فوقك انصاب
تدري متى سعدك تبارق غيومه=لاكان للمسئول تقيم و عقاب
في حينها المسئول تنتج فهومه=وتلقى المواطن راق ن فوق مرقاب
وحنا ترا نيران حمرا ضرومه=دون الوطن والسيف معزوز بنصاب
ودوم أبو متعب علينا دسومه=ياجعل من يشناه من دنيته غاب
هذا كلامي جاك واضح عمومه=مكتوب من هاجوس ذيب ن من ذياب
حربي ولد مسروح خال وعمومه=وفخري بدين الله ما افخر بالانساب
واعداد مزن جات تبرق ركومه=صلوا على المختار وعموم الاصحاب

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحــت السنتكــم
دمتم برعاية الله وحفظة

الشّاعر القدير / فواز بن محسن الزويهري
شاعر علم تشرفت بكل مساجلاتي معه
صح لسانك يابو محسن

	المشاركة الأصلية كتبت بواسطة الحب الباقي

	صحت السنتكم والله يـعـطـيـكم الـعـافيـــــــــــة بيض الله وجيهكم

صح بدنك وسلم غاليك والله يبا ك فيك

صحت السنتكما


للـــه دركم ودر حضوركم المثمر



الله يرعاكم

	المشاركة الأصلية كتبت بواسطة فهد ابن غانم

	صحــت السنتكــم دمتم برعاية الله وحفظة

صح بدنك وسلم غاليكوالله يبارك فيك