صياف : أنته ولد ما أنته بسيط إليا تدربيت

حبيب =
الليل ياصياف جاك الله و أنا جيت= جيتك مصمل جعل بقعاء ماتجيني
في ليلة الاثنين كيف أصبحت و أمسيت= أنا سمعت مصيح(ن) بينك و بيني
صياف=
أفرح كثير إليا سمعتك يوم ونيت= لو أنها ونه خفيه ماتبيني
في ليلة الاثنين مريت و تعديت= من يوم شفت الذيب يضحك للحصيني
حبيب=
تسمع و لاتجزع و لا أدري ويش سويت= و الله فرج لإيران من حكم الخميني
مستور عفريتين و أنت أعز عفريت= و أطيبكم اللي ربع ساعه يحتريني
صياف=
فزعت يمك ثم عودت و تقهويت= ماني بفازع للجاجه و الحنيني
أنته جبرتي فيك نوع من الجباريت= ماتستريح إلا ليا شفت السميني
حبيب=
مافجر عيون الحساء غير الدناميت= هذا الخبر باقي على طول السنيني
ياحرب ياللي في مخابيكم كباريت= ولعتم النيران و إلا صابريني
صياف=
إزبن على الشاطر حسن يشريلك ونيت= و إن كان عياء روح عند ابا بطيني
بعض البشر مجنون و أنته وش تواريت= يكسر يديك و يقول لك يانور عيني
حبيب=
خلك على السكه مابين أمراه و اكميت= و إليا نسيك الموت الاحمر مانسيني
أنا على المجنو بأسم الله سميت= هذا بعد شاهدت في ضلع القريني
صياف=
ياليتني فالديرة الزينه تمشيت= و آصل ليا رأس الهداء و أرجع في حيني
أنته ولد ما أنته بسيط إليا تدربيت = إجناه نسمع لك على الحره دنيني
حبيب=
يامشين الشايب ليا ربى التواليت= بدله فرنجيه و يطلع نص صيني
يا أبو فليح لاتصيح عقب ما أخطيت= صلح خطاك و روح في حرزٍ مكيني
صياف=
بعض الشباب إحط قصة قرن خرتيت = على خناعه من يسار و من يميني
الله يبارك في صلاتك يوم صليت= أنته تصلي بالبشر و أنته جنيني
حبيب=
أثرك جيلوجي ماتعرف الماء من الزيت= تبأ تقيس الارض مثل أبا الحبيني
باقي لك إسبوعين معنا كان ما أبطيت= و تروح مابين الثلاثة و الثنيني
صياف=
دور علانا ثم كثر بالتصاويت = و الظاهر أنه مالقاك و لالقيني
أنته تحوبي مار ما أدري كيف حوبيت = أثر عيونك عشر و قليبك ذهيني
حبيب=
لو يدخل الإسلام فقلوب الطواغيت= كل البشر يمرح و يصبح مسلميني
عز الله أني في صحيبي ماتزريت= ياحرب صبو سمنكم فوق الطحيني

صحت السنت الشعار

وبيض الله وجهك يافارس

الليل ياصيـاف جـابك الله و أنـا جيـت
ألف شكر على المحاوره
بارك الله فيك
يعطيك العافيه ...
تحياتي .

صحت السنتهم

وبيض الله وجهك

الله يبيض وجهك يافارس عوف..
جهدك مشكووووور واللسان يعجز عن شكرك..

الله يـعـطـيـك الـعـافيـــــــــــة

بيض الله وجهك

بارك الله فيك

كثر الله من أمثالك يافارس عوف

الله يعطيك العافية


الله يرحم صياف ويسكنه الجنة

الله يـعـطـيـك الـعـافيـــــــــــة على الاخـــتيار المــوفــق
بيض الله وجهك