الشاعر/ناصر الزغيبي يمدح الذويبي

الشاعر الكبير/ناصر بن ضيدان الزغيبي الحربي

من كبار شعراء حرب في القرن الماضي, كان عليه دين وقال قصيدة طويلة وفي آخرها قال:

انشدك عن حمل الرجل ويش يخفيه=لا بيَنه ما فيه غـبر السنـيني
لا صار ما فوقه اهدوم اتغطيه=وبار العميل وقام حمله يبيني

يقصد بحمل الرجل:الدين.

وسمع القصيدة الشيخ/ فيحان بن ناهس الذويبي -رحمه الله- وتكفل بالدين وسدده.

فقال ناصر الزغيبي قصيدة طويلة يروي قصته وفي اخرها بين أن الشيخ سدد الدين ومدح الشيخ فيحان.

يقول ناصر الزغيبي -رحمه الله-:

فيحان بن ناهس الى حل طاريه=بأهـل زمان اليوم ماله حـتـيـني
هداج تيما ما تواني سوانيه=ما ينعرف ورده من الصادريني
يمنى تلم المال لاشك تفنيه=اما على الشرهات ولا القاصريني
يما عطا من عبد لو كان يشريه=مع حرةٍ تطوي الخلا باليـديـني
الطيب عقب عقاب(1) حاشه بياديه=لو كان عـقب عقاب به طيـبـيني
والعد يورد من جنابه وعاليه=والرس ما تلقى عليه القـطيني
والى اعترض في جاه(2) ما أحد ينافيه=يكفي عن الغياب والحاضريني

(1) عقاب الذويبي

(2) الشيخ فيحان أشتهر بجاهه يقول سبيل بن سند-رحمه الله-:

وفيحان إخو نوره تحت حد شلفـاه=كم فارس ٍ خـلاّ عظامـه حطايـب
اللي بجاهه يوم زاروا هـل الجـاه=رد الذويبي مـال رايـح كسايـب
ماخوذ غصب وضمّر الخيل تشعـاه=وشلون تنسى ياعجيـب العجايـب

رحمهم الله أجمعين وأسكنهم فسيح جناته.

بيض الله وجهك يالغيداني

علومك تنومس الله يعافيك ويطول عمرك.

ابن عياد

بيض الله وجهك

ورحمهم الله اجمعين

بيض الله وجهك يالغيداني على النقل ..
لاهنت وتقبل تحياتي ..
ابن طريس

	المشاركة الأصلية كتبت بواسطة المحايد

	بيض الله وجهك يالغيداني علومك تنومس الله يعافيك ويطول عمرك.

المحايد سلمك الله

يشرفني مرورك

بارك الله فيك

بيض الله وجهك يالغيداني على النقل ..
لاهنت وتقبل تحياتي ..

	المشاركة الأصلية كتبت بواسطة ابن بصيص (الكخ)

	ابن عياد بيض الله وجهك ورحمهم الله اجمعين

ابن بصيص بارك الله فيك على المرور تشرفت به

لا هنت

	المشاركة الأصلية كتبت بواسطة ابن طريس

	بيض الله وجهك يالغيداني على النقل .. لاهنت وتقبل تحياتي .. ابن طريس

هلا بابن طريس لاهنت على المرور

بارك الله فيك

	المشاركة الأصلية كتبت بواسطة عالي

	بيض الله وجهك يالغيداني على النقل .. لاهنت وتقبل تحياتي ..

الله يعطيك العافية على المرور

شكرا لك

بارك الله فيكم على المرور