( بالنّيابه عن قبيلة حرب ذربين الايادي)

/
/
/
/
/
/
/
/
/
/
/
/
/
/

خالد بن عبيد الاحمدي=
مرحبا مثل المطر يوم اعجب الزّراع نبته=بالنّيابه عن قبيلة حرب ذربين الايادي
قبل للعب معك قاف ٍ مثل قاف ٍ قد لعبته=انت تنسب للخواله ولاّ من شمل العرادي
سعيد البلوي=
البقى ياللي ترحّب فيّ وترحيبك كتبته=عن قبايل حرب والا بسّ عن فخذ الحمادي
قبل ماجاوبك قلّي من خوالك لانسبته=جدنا واحد ماحنا احلاف لانادى المنادي
خالد بن عبيد الاحمدي=
سلّمك ربّي ويفغر ذنّب واضح وارتكبته=يوم تقرا الخطّ واضح مير ماجبت المرادي
من بني عمّي خوالي منّسب امشرّف كسبته=جبت لك علم ٍ وكادي ماوصلّ منك الوكادي
سعيد البلوي=
ماارتكبت اذنوب والقاف المرتّب ماعطبته=وانت يابن عبيد مانت محاسب ذنوب العبادي
انت قرم ٍ من رجال الطيب لامني حسبته=جاك علم الوابصي والعلم مايبغى عنادي
خالد بن عبيد الاحمدي=
كان ماجبت الخطيّه لوم صاحبك اجتنبته=لاتكابر والخوي يزعل خويّه بالتّمادي
حبّ خشم الصاحب اللي يمدحك لامن عجبته=كان قلّك نعم فيك ونعم في ربعك يزادي
سعيد البلوي=
انت يابن عبيد جبت العلم لاكنك كذبته=يوم جاك الحرف من عندي خطا ماقلت عادي
لاتقول اخاف بالمقصد وانا ياسعيد هبته=العرب تعرف مقاصد بعضها سيب النكادي
خالد بن عبيد الاحمدي=
ماتجوز اعن الخطا لونك تقول الكذب تبته=كان عاملتك بشيمه فيك شكّه بالمبادي
ياسعيد استغفر الله ربّك اللي لاطلبته=بالهدايه يهتديك اللي شرع ذبح العيادي
سعيد البلوي=
كل مابغى اصلّح الموضوع ياخالـد خربتـه=والقضيّه ودّها ناقـد وقاضـي بعتقـادي
لانت طالب مدرسه لامن غلط قمت وضربته=بسّ مادام ان ذا علمك ماتصلح شيخ نـادي
خـالـد بـــن عـبـيـد الاحـمــدي =
ولّ ياشاعر يـدوّر نشبتـي لاكـن نشبتـه=واتّجه لقضاه بعـد انّـه تزايـد بالفسـادي
والمدرّس درّسك منهـج ولاكنـك رسبتـه=لاكن اخذ اختام قولي ..جعل مايضرّك معادي
سعيد البلوي=
دام هذا العلم عوّد كل واحد في خشبته=قيل بالامثال مادون الحلوق الا الايادي
قمت وانا اخوك جبت الشبك للصقر ونصبته=وان رماه الله لاعرض الحر في سوق المزادي

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح السانكم جميع
ومحاوره جزله
والله يعطيكم العافيه

الشاعر القدير صقر المراقيب صح لسانك ولسان زميلك الشاعر سعيد البلوي
الله يعافيكم
ومثل هذا الطاروق يكون موقعه المحاورات المنقوله
المتصفح هذا خاص للمحاورات المباشره
لك اجمل تحيه