قبل هدات السباع اللي على روس الرجوم

عز الله انها شرفت يا خال



وشرفتنا بعد الله يشرف مقدارك



صح لسانك حتى ترضى


العقيد

	المشاركة الأصلية كتبت بواسطة محمد سعد اليوبي

	السلام عليكم ورحمة الله وبركاته قبل هدات السباع اللي على روس الرجوم=وقبل جزلات الشوارد نستهل أمثالها عن طنوخٍ يوم لبوا ما لفوا بالشعر زوم=ومن صدوقٍ ما شقرها وحاسبٍ معدالها يا سلام الله سلامٍ مثل همال الغيوم=ومثل رعاد المخيلة لا أركزت بخيالها ردةٍ فيها المعاني سلمها حسب السلوم=لا تعب فيها جملها ولا أتعبت جمالها وبعد مضمون التحايا يا معاقيل العلوم=يا فخر للديرة اللي تفتخر بأجيالها مانبي ضرب الدفوف ولا نبي حب الخشوم=ولا نبي كلمة تضيع عمها مع خالها ولا نبي من لا تمثل قال هالدنيا سهوم=تعطي اللي ما طلبها وتاخذ اللي جالها ديرتي دارٍ عزيزة وان بغت فوق النجوم=فالكم جزل المعاني والجزيلة فالها ما مضى قدام كوم وتالي الايام كوم=داركم أمٍ حنون وكل أبونا عيالها لو نعلق في قبايل بد واحد في اللزوم=وسد عالي للثمينة لا ذرف مكيالها يا سلام الله على اللي لا دعى الداعي يقوم=ويثني الركبة لداره ثم حط عقالها ان دعاه الدار هلا لو يسوم الروح سوم=وإن ثنى دون الحمولة لو ثقيلة شالها ياعيون الشعر هبي مابعد ذا اليوم يوم=جملينا في الحمول خفافها وثقالها وذكّري منه تغيب قوْل .. مكفي الهموم=الله يخلي في اللوازم للرجال رجالها ديرتي لابعدت عنها ما هناه الطرف نوم=ديرتي خلف المحاني عالياً منزالها دونها نسل الحرار اللي على العزة تحوم=لو تقرنس ما اتَّغيَّب فوق روس جبالها قوم لانادى المنادي وعند ثني الساق قوْم=وظل وارف للقصير اليا استظل ظلالها كم زبنها من طريدٍ ما لحقها فيه لوم=وكم حضرها من ضعيفٍ واغتنى في جالها يحفظ الله أهل دارٍ دون موطنهم قروم= ما تهاب الفتنة اللي يفتلون حبالها عشت يادار السعود ويا عسى عزك يدوم=ويا عسى الاسرة تدم ولا يغيب هلالها وفي الختام أختم كلامي بالتحية للعموم=ويا عساها بعد تمت شرفت من قالها

ايوالله شرفت وزود بيض الله وجهك وصح الله لسااانك

صح لسااااانك مليووون وبيض الله وجهك

قصيده في غاية الروعه والجمال والابداااااع

يعطيك ربي العااااافيه دمتم ودام ابداااااااااعك

ودي واحتراااااااامي

	المشاركة الأصلية كتبت بواسطة الحب الباقي

	تسجيل تواجد في منبر الجزاله صح لساانكـ يا القرم بيض الله وجهك

تسلم الله يصح بدنك ويبيض وجهك

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح بدنك وسلم راسك يالغالي

	المشاركة الأصلية كتبت بواسطة الكحيلة

	اديبنا وشاعرنا الكبير محمد سعد اليوبي صح السانك ولاهنت ولاهان منطوقك جزالة من اهلها

كحيلة حرب
صح بدنك
ولا عليكم زود
ولا هان راسك

	المشاركة الأصلية كتبت بواسطة أبو ذيب

	صح الله لسانك ولاهنت وسلم فكرك وبنانك دمت برعاية الله

صح بدنك وسلم راسك يالغالي

	المشاركة الأصلية كتبت بواسطة سعد المحمدي

	الشاعر محمد سعد اليوبي صح لسانك طال الغياب وين الناس

صح بدنك ياسعد
والله المشاغل ماتنتهي لكن ..

لو كان مبعد ياسعد ماني بعيد=القلب حاضر عندكم في كل حزة

الله يحفظك

	المشاركة الأصلية كتبت بواسطة محمد حمد اليوبي

	عز الله انها شرفت يا خال وشرفتنا بعد الله يشرف مقدارك صح لسانك حتى ترضى العقيد

تسلم يامحمد والله يصح بدنك ولاهنت يالغالي

	المشاركة الأصلية كتبت بواسطة نايف بن مياس الفريدي

	ايوالله شرفت وزود بيض الله وجهك وصح الله لسااانك

صح بدنك ووجهك أبيض والله يعز مقدارك يا نايف
لاهنت