من جا بلا داعي يثقل بلا فراش

،،

من جا بلا داعي يثقل بلا فراش=ومن هو يطق الباب يستوجب الرد
بعض العرب هرجه على بارد الجأش=أبرد من الثلج العصير المبرد
له قابليه عن عاقل وحشاش=يفرق كما فرق الحصا والزمرد
يُولَى به الاجواد ويُكنى عن اللاش=بالبرد في حرٍ وبالحر في برد
أحدٍ ليا منه عطِي منه يعتاش=وأحدٍ ليا منه عطي منه صرد
أغلا من الالماس وأبيض من الشاش=وألين من القطنه ويصد المجرد
وأحدٍ يسولف به على قوم الأدباش=ويميزه بالسالفه ويتفرد
يحي قلوب امغيببه جوف الانعاش=ويميت شرٍ في قلوب المقرد
وأحد يتغَزَّل به في ذات التِرِمَّاش=وأجمل منه لأبو الخديد المورد
غيمُه يظل اظلاله ولأمطر ارشاش=وعِدٍ عليه العلم يصدر ويارد

وسلامتكم

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة الحب الباقي

	صح الله لسانك يا القرم والله يـعـطـيـك الـعـافيـــــــــــة بيض الله وجهك

ماعليك زود
أسعدني حضورك الكريم
دمت بخير

عساك سالم وغانم
صح لسااااانك
لاعدمناك

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح الله بدنك
أسعدني حضورك الكريم
دمت بخير