مرحوم يا شاعر جميع القبائل

هذي مرثيه با شاعر الحليج رحمه الله

بحر الرثا قاعه وصلته بلحظات = واخترت من زين المثايل مثايل
وترجمتها فوق القراطيس بابيات= ابيات في حق السحيمي قلايل
ولو القصيد يرجع الميت لامات = قصدت لين انام تحت النثايل
صياف اخذ في ساحة الشعر جولات = ولحق ربوعه كاسبين النفايل
لحق الثلاثه عاسفين الصعيبات = عون الرفيق معدلت كل عايل
مرحوم يا من لك مع الشعر وقفات =(مرحوم ياشاعر جميع القبايل )
شاعر ثقه ماهو بشاعر مساجات = اثبت وجوده يوم قدح الفتايل
قبل القصيد يصير بالانتخابات = ومن شاشة الجوال ترسل رسايل
اربع عقود يصوغ زين العبارات = ويتابعه جمعاً من الناس هايل
اسمٍ لمع ما بين كل المحيطات = ودخل بتاريخ الرجال الاوايل
قبل العرب للشعر تسس محطات = تنقل قصايدهم ظهور الرحايل
لامكتبٍ ينشر ولابه قناوات= زين الكلام مثبتاً بالدلايل
ما شعرهم بلجمهره والدعايات =وفلان فيه اقصور وفلان طايل
ويا الله يالي لك تصلى الصلاوات = ترحم فقيد الشعر واف الخصايل

صح لسانك واعتلى شانك وبيض الله وجهك ...
يعطيك العافيه ... على القصيدة الرائعه....
لا عدمنـــاكـ وننتظر جديدك....
اخيك ابوروان

ابو روان مشكور على مرورك المشرف
ولاشكر على واجب هلابك

صح لسانك ياشاعرنا

بيض الله وجهك على القصيدة

جزله ورائعه ورحمه الله

بن فرهود مشكور على مرورك العاطر ووجهك ابيض

صـح لـســانـك .. و علا شــانــك ..

كــلام جـمـيــل .. و إحـســاس أجـمــل ..

تـسـلـم اخــويــ .. و يـعـطـيــك العـافـيــه

الشاعر
علي بن عبيد الحصني
صح لسانك و بيض الله وجهك ،، و كفيت و وفيت

ابراهيم الحربي
مشكور على مرورك الكريم
وصح بدنك وهلابك

فارس عوف صح بدنك ومشكور
على مرورك الكريم وهلابك

شاعرنا الكبير / علي الحصني
حفظك الله ورعاك
صح لسانك
ورحمه الله وأسكنه فسيح جناته