مصافحه اولى ,, قالوا صداقه ,,

السلام عليكم ورحمة الله وبركاته
هذه اول مصافحتي في هذا المنتدى واتمنى بأن تنال اعجابكم
واشكر من دعاني لهذا المنتدى وهو الشاعر محمد الفالح ,,
ويشرفني بأن انضم لهذا الصـرح الكبير الرائع وعسى بأن اكون خفيف
الظل عليكم ,, وهذه المشاركه او المصافحه واتمنى بأن تحوز على رضاكم

قالوا صداقه قلت وين الصداقه = دام الوفاء والتضحيه ما لها ساس
وقلوب ناس ٍ صابها الف عاقه = حتى العقول الصاحيه صابها عماس
يا ويل قلبي من علـــوم الحما قه = وياشيب عيني شيب من بعض الاجناس
اللي تخادعنا بحبك اللباقة = وقلوبها بالحقد تجتاح الأنفاس
ارحب هلا والضحك يخفي نفاقه = يشكّك راعي الردى ب أطيب الناس
يلبس ثياب ٍ ساترة له محاقه = ما كنه الا كاسب الطيب نومـاس
بعض البشر للطيب يعلن سباقه = وبعض البشر داني وبالحقد دساس
ترى الحسد والطيب ماهم رفاقه = وما يتفق راع العزيمه مع الياس
حتى الصراحه في زمنا طفاقه = واللي يرائي صاير ٍ طير قرناس
يسرقك في هرج المخادع سراقة = ويستعطفك والنجس ماعنده إحساس
قالوا صداقه قلت مابه صداقه = دام الضماير نايمه ليل الادماس

وأنتم ســالميـــــن

اخوي الشاعر/ خليل بن براهيم

صح لسانك وسلمت يمينك

واشكرك جزيل الشكر على قبول الدعوة

حياك الله واتمنى لك اطيب الاوقات واسعدها في ملتقانا

وتقبل تحياتي

اخوك / محمد الفالح

حتـى الصراحـه فـي زمنـا طفاقـه
واللي يرائـي صايـر ٍ طيـر قرنـاس


خليل بن ابراهيم

حياك الله في ملتقى حرب

وصح لسانك على هذه الباسقه النديه

دمت بخير

الله الله

اخوي ابراهيم بن ابراهيم

صح لسانك وعلي شانك

بيض الله وجهك على القصيدة الجزله

وياهلا فيك بين ربعك

يسلملي هالصوت يابوابراهيم
صح لسانك واعتلى شانك وبيض الله وجهك ...
يعطيك العافيه ... على القصيدة الرائعه....
لا عدمنـــاكـ وننتظر جديدك....
اخيك ابوروان

صح لسانك وعلي شانك

قصيدة جزله من جزل

بيض الله وجهك

الله يـعـطـيـك الـعـافيـــــــــــة على القصيدة
.
وصح لسانك مليون
بيض الله وجهك

صح لسانك وعلي شانك

قصيدة جزله من جزل

بيض الله وجهك

	صح لسانك وعلي شانك قصيدة جزله من جزل بيض الله وجهك