يالله

بسم الله الرحمن الرحيم

يالله يالي جميع الخلق واليها = ياعالم الي بوسط القلب يامعيني
تفرج النفس ٍ هواجسها تجزيها = ماني بسالي لو اجلس وسط ساليني
صلف الهواجس علي الوقت مهديها = وسنيني الي تشيب بالصغيريني
اصغر اهمومي اجبال اطويق تنهيها = واكبر اهمومي بدمي مع شراييني
المر مشروبنا مانذوق حاليها = والحزن معيه على دربي مخاويني
العبّرة الي عن العالم مخفيها = اصد عنهم وامش الدمع بيديني
قدامي الطرقة الي شفت تاليها = اجباري ايسار وإلا اجباري ايميني
ماهي بتخمين بينت ٍ شواريها = يدري بها الي يميز بالمضاميني
مشبوبه النار مابه من يطفيها = ومرسومه الخطه الي بين قوسيني
يسوقها الليل والغربي يباريها = اشهور وإلا ليالي يالفهيميني
انفوس عن شفها الاهوب حاديها = تمشي على غير يمه يالفطينيني
ياقربها يوم افكر ياعرب فيها = شده ونزله لقوم ٍ مستشطيني
والي على جنبها والي يباريها = وبه ناس قدامها ايضا مستكنيني
ياسدرة المنتهى يازين طاريها = قدام من هو بغاء عدل الموازيني
ماتثمر الشجرة الي مات مسقيها = ولاترفع الراية الي بين راييني
والنعلة الي تحت رجلين واطيها = مداس لو علقت وسط البساتيني
الناس بفكارها وايضا مخابيها = وافعلها تبين وقت العسر والليني
ابو الحكم بالجهاله رايح ٍ فيها = سبت عناده خسر دنيها والديني
والطرقه الي تتعب رجل ماشيها = الي على غير يمه ماتشقيني
والناس ماحد ٍ بهالدنيا مراضيها =الكل رجال راي وله عناويني

فايزموسى البشري

تسجيل تواجد في منبر الجزاله
صح لساانكـ
بيض الله وجهك

صح لسانك وسلم بنانك وبيض الله وجهك

قصيده في غاية الروعة والجمال الله يعطيك العافيه

دمتم بخير

	المشاركة الأصلية كتبت بواسطة رابح الجحدلي

	تسجيل تواجد في منبر الجزاله صح لساانكـ بيض الله وجهك

هلا فيك صح بدنك الله يبيض وجهك

	المشاركة الأصلية كتبت بواسطة وليف الشوق

	صح لسانك وسلم بنانك وبيض الله وجهك قصيده في غاية الروعة والجمال الله يعطيك العافيه دمتم بخير

هلا فيك صح بدنك الله يعطيك العافية

صح السانك لاهنت
ولاهان منطوقك
مستشارنا القدير

الشاعر الجزل

والاخ الغالي

فائز موسى البشري


صح لساااانك مليون على النص الجزل والوااافي

لاهنت يالقرم





تقبل تقديري لك

قصيده جزله من شاعر جزل
صح لسانك اخوي فايز
داام شمووخ حرفك
احترااامي

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة الكحيلة

	صح السانك لاهنت ولاهان منطوقك مستشارنا القدير

هلا فيك الكحيلة
صح بدنك لاهنتي