وابآآتحاشا البعد لو له لقيت اسباب - لكن ترى لقفيت ماعقبها رده ..

السلام عليكم ورحمة الله وبركاته ..

هلابكم جميع ..

يالله مشينا يافوادي وصك الباب = نفسي لها من وقت متحرّي الصده
واللي بغى معنا يغادر فلا يرتاب=يامرحبا وبساع يوفي لنا المده
يرخي سموعه لين يسمحله البواب=واطيه لوم ان كان اذانيه منسده
نبغى نحلق بالفضا والهوى غلاب=ونطير مع من طار والارض ممتده
واهم حاجه عندنا راحة الركاب = لومن علينا كان ماباحت السده
ماني بحاجه لا لشرهه ولا لعتاب = نفسي عن اياة المخاليق مستده
وابآآتحاشا البعد لو له لقيت اسباب = لكن ترى لقفيت ماعقبها رده
وانا تراي آطيب يوم المقابل طاب=واغيب لاجات الغرابيل منهده
تعبت اجامل عالمن ودّها كذاب=لدناتها تقبل على البغض مشتده
تلوّى مثل مايلتوي بالطريق الداب=ولحفظ حق اصحابها مابها شده
تلعب وانا ماني على مابغت لعاب=هجماتها جتني مع الوقت مرتده
واصدها والمعتدي عوّد المنصاب=واضحك مع التنوين وامازح الشده
كرّيت نار البعد لو ماني الشبّاب = على هوى من شبّها جازت الكده
ياحر يوم اغراك حومك على المرقاب=نفسك ترى للحوم ماهيب منحده
باكر ليا من حام عالي سماك عقاب =لابد عقب الحوم ماتجل الهده
تبصر بحالك واغنم الوقت ياحطاب = ترى سيوفه لاتمكنك منحده
قبل الزمان يعلق براسك الكلاّب=وتروح روحك عقب الآمال منقده
بدّل مسيرك واترك الشذب فالغيّاب=ترى لها عن سرّة نفوسنا لده
والا تراي عقاب وابنآآآخي ابن عقاب =قرمن على صكات الايام به سده
نورن يضوي سكة التايه المرتاب =لا جا اللزوم وغبر الايام مشتده
سيفن مجرب يوم سود الليال غضاب=واضد فيه اليا زما ناوي الضده
لكن لسانك ردّه بفمك واِكل تراب=واشبع ولانسمعك ياطيّب الجده

وسلامتكم جميع

صح لسانك اخي بدر والله يعافيك

على النص الفخم والرائع

لك شكري وتقديري

الشاعر الكبير
بدر الهبيري
صح لسانك وعتلا شانك
قصيده مدويه وقويه
تحمل أشارات تحذيريه
لله لله
درك من شاعر كبير

*"صح لسانك اخي بدر والله يعافيك
"*

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الاخ متعب العمري
صح بدنك والف شكر عالحضور يالغالي

شاعرنا القدير الجزل سعد المحمدي
اشكرك على حضورك وثنائك وهذه شهاده اعتز بها يالغالي
صح بدنك ولايمكن ان يكتمل اي ابداع الا بتواجد قلمك ..

الاخ ثامر الحربي

صح بدنك ويامراحب يالغالي

الاخ العزيز رابح الجحدلي

ياهلا ويامرحبا يالغالي وصح بدنك والف شكر عحضورك

استاذي ابو عيد


ماهو غريب عليك الابداع ، شآعر متمكن وقدوة ومميز بالمفردات وحبكة الابيات


صح لسآنك مليوون ولا يكفووون

شآعر جزل


بيض الله وجهك وين ماكنت