يامن وفاك

	المشاركة الأصلية كتبت بواسطة محمد ابونيان

	بسم الله الرحمن الرحيم يامن وفاك وطيبتك مالهن حد = يامنتهى شوقي وغاية مرادي يادرة الخفرات مياسة القد = يامن تفرد حبها في فوادي ياللي بوصف البدر وجهك تفرد = والبدر في وصفه لوجهك يشادي وجه طغى حسنه وخدٍ مورد = آية جمالٍ والبها منه بادي ونجلٍ كساهن ناعم الرمش الاسود = باوصافهن من عين طير الهدادي عين اشقرٍ عوق الحباري ليا هد = حرٍ مقره شامخاتٍ بعادي لاسلهمن واظفن على حمرة الخد = بسود الهدب يكسي حماره سوادي وخشمٍ دقاقٍ مثل سيفٍ مجرد = ومبيسمٍ مثل الخويتم وكادي اليا ابتسم وافتر بجمرٍ توقد = تحته لمع صف البرد له مقادي حمر الشفايف فوق بيضٍ تناضد = جمرٍ تدثره البرد في ودادي والعنق عنق اللي من الحس يشرد = ريمٍ مجفلته قنوص البوادي وشعرٍ كسى الامتان كنه اليا كد = سبيب صفراً شوشت للطرادي ونهدٍ على ملبوس صدرك تمرد = حليا الزبيدي في فياض الحمادي وخصرٍ مدى الشبرين فوقه توارد = حوله مداهن لا تلاقن زادي والردف طعسٍ عقب سيل ملبد = طعسٍ زمى من فوق سهف البيادي عن زين وصفك يقصر الحصر والعد = ماظن لك من كل جيلك ملادي حيثك بزاه الوصف وصفك توحد = وتستاهلي قمة جمال البلادي سبحان من لك باجمل الوصف زود = واوفى مزاياك الكريم الجوادي كساك من راسك لماطى القدم حد = في غض جسم ريحته ريح كادي وملح ودلال وخف دمٍ ممجد = وخلق حسين وعز نفس ومبادي وذوقٍ رفيع وقصر رجلٍ تقصّد = وعقلٍ كبير وحسن رايٍ سدادي عنبر شرف عريبة الخال والجد = مهرة ومن منتج عراب الجيادي هني منهو في رسنك متجود = بكفي ودونك كل طلاب حادي حبيبتي لك ساقني سايق الود = وانتي ملكتيني بصدق الودادي وحبل الهوى يالوافيه معك ممتد = ماينقطع بافراق والا ابتعادي وانا بحبك لو قسى وقتي أسعد = لو منه حاربني لذيذ الرقادي حيثك وفيه ماتجازين بالصد = وماطالني منك الجفا والعنادي الشاعر/ محمد عبدالرحمن ابونيان - الفيضة

صح لسانك وسلم بنانك وبيض الله وجهك

قصيدة في غاية الروعة والجمال الله يعطيك العافيه

دمتم بخير

اخي وليف الشوق اشكرك على عمل مالم استطع عمله من تنسيق للقصيده هذ اولا
وثانيا صح بدنك الله يعطيك العافيه ومشكور ماقصر

سبحان من لك باجمـل الوصـف زود=واوفــى مـزايـاك الكـريـم الـجــوادي
كساك مـن راسـك لماطـى القـدم حـد=فـي غـض جسـم ريحتـه ريـح كــادي
ومــلـــح ودلال وخـــــف دمٍ مـمــجــد=وخلـق حسيـن وعـز نـفـس ومـبـادي
وذوقٍ رفـيـع وقـصـر رجـــلٍ تـقـصّـد=وعـقـلٍ كبـيـر وحـسـن رايٍ ســدادي
عنبـر شـرف عريـبـة الـخـال والـجـد=مهـرة ومـن منتـج عــراب الجـيـادي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك
تحياتي لك

اهلا اخوي سعود شديد صح بدنك
وبارك الله فيك

اخي نديم المجره آسف للغلطة المطبعية
في كتابة الاسم والعتب على النظر لك
كل احترامي واكرر اسفي

تسلم يابوعبدالرحمن وصح لسانك
وبيض الله جهك مبدع كالعاده

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح بدنك اخوي الجرح مشكور ماقصرت
الله يبارك فيك تقبل تحياتي

صح بدنك اخوي الجرح مشكور ماقصرت الله يبارك فيك تقبل تحياتي

صح بدنك اخوي عبدالله الوهبي وبيض الله وجهك