سلام الله على الجميع

بيض الله وجيهكم

محمد عبدالله . صنت البدراني

لاهنتوا على تواجدكم شعارنا الافاضل اللي يستفاد منكم

تحياتي

شعارنا الكرام صحت السنتكم وبارك الله بكم
تحياتي

علي بن زيد الفريدي=
سلام الله سلام طيب مبنـي علـى السنّـه=سلام المسلم اللي قادم والعلم فـي راسـه
اشوف الناس ياهل العرف تال الوقت منجنّه=ضعيف العقل يبغى يذبح الابطال في فاسـه
عبدالله سنيد الجابري=
هلا يامرحبا ترحيـب فايـح هيلـه وبنـه=وعلمك خله فراسك ترى الاوضاع منحاسـه
اشوف الناس تعصى الله وتبغى تدخل الجنه=وضعيف العقل علمه غير حبرن فوق كراسه
علي بن زيد الفريدي=
يدوم بك البقا والهرج مابه لاحد منـه=انا حر طليق ولاحد له فوقـي رياسـه
نشف واد النساكله وشيخه خارب ظنه=يحطون اللغم قدمه وسم الداب في كاسه
عبدالله بن سنيد الجابري=
اجـل يابـادع الطـاروق ردد قـافـك وغـنـه=احد يجلس على الكرسي واحد يجلس على الماسه
نشـف مـن كثـرة الـوراد والا واهـج الكنـه=ونقل لك علمـه الـوراد والا جيتـه اعساسـه
علي بن زيد الفريدي=
لقيت بكار وصط الدار معفيـه ومستنـه=طلبت العقل مار العقل تبغى عقل وسياسه
يجنه من يمين ومن يسار وتفـل ينحنـه=وانا خايف يروح الذود ويرجع يعلن فلاسه
عبد الله سنيد الجابري=
بكـارن يتبعـن لجـرة القلـو ويبارنـه=وحطه كاسبه حارس وشغله ماهو احراسه
لكن العد الاقصى ردهـن لاعـاد يردنـه=وذاك القلو يافريدي تراني عندي اركاسـه
علي بن زيد الفريدي=
لعل القوم تاخذهـن نقلناهـن علـى دنـه=ولكن ضيقن بالي وراسـي عـاده وناسـه
بعضهن جرب مكروهات والمرتـاح يبلنـه=ابا اجمهن وابا طلاهن ولكن ضاعت الطاسه
عبدالله سنيد الجابري=
تعدني مع الخط السريع اسمع لهن حنه=وراعيهن يباريهن حزين وزاد وسواسه
انا في عرفتي ياصاحبي وافق طبق شنه=واناوانته ندبس فمّه وفمهـا بدباسـه
علي بن زيد الفريدي=
ابا اصبر يارفيق الدرب وما طالـن يرقنـه=عسى الراعي يسنعهن عسى ما تكثر اجناسه
عساه يبعهـن بالسـوق والاهـن يبيعنـه=ويلبس مشلح ضافي يناسب له مـع لباسـه
عبدالله بن سنيد الجابري=
يجوبن البلد كله وكـل اشعيـب يرعنـه=وراعيهن على ددسن بلا حاضن وكنداسه
يعدن الجبال السود واصعب درب يعطنه=ومرن وايتٍ فيه التمس مع كهربه ماسه

صحت الالسن

ودمتم بود