ياوجدها والدلال تفور - والقلب مع فورها فاحي

"

"

"

القلب كنه على دافور = من مغربه لين الاصباحي
والصبح لاغرّد العصفور = طار الكرى والشقا لاحي
والعين لابان شق النور = تغظي للاوجاع وتناحي
ياوجدها والدلال تفور=والقلب مع فورها فاحي
على زمانن بهج وسرور = وايام سجات وافراحي
مامثلها بالنيا مخبور = ولاجرى جد وامزاحي
مير الزمان اذكروه يدور =ولايرجعه نوح وصياحي
ماباقين منه غير حرور = واطياف ذكراي واجراحي
معذور ياصاحبي معذور=ومن لامني عله الماحي
يابوعلي راعي المظهور=يامراعي الخير لاطاحي
حقك علي انتحي وازور=ولابد ماجيك نزاحي
في خايعن بالحيا ممطور=ماطب في قاعه متاحي
لافيه لمبه ولاماطور=والكل بالجود نطاحي
عرف النشاما بها مذكور=مرابحن سوقها صاحي
بعطيك علمن قبل مخبور=وامجوده راع الانصاحي
الوقت صافيه قسم العور=لرضاهم تهب الارياحي
وامفتح العين ماله دور = لو صافي القلب نصـّـاحي
دنياك مضمونها مستور=واصحابها طيف واشباحي
لاضدتك سيفها مشهور=سلامتك روس الارباحي

"

"

أطيب الأوقات ..

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الشاعر القدير
بدر الهبيري
صح لسانك وعتلا شانك على القصيده الجزله
تحياتي وتقديري

الشاعر الكبير/ بدر بن عيد الهبيري

صح لسانكـ على هذه القصيدة الجزلة

من رأس جـــزل

دنيـاك مضمونهـا مسـتـور
واصحابها طيف واشباحي
لاضدتـك سيفـهـا مشـهـور
سلامـتـك روس الاربـاحــي



الشاعر بدر صح لسانك وبيض الله وجهك جزله من شاعر جزل دمت بخير

صح لسانك مليووون وسلم بنانك وبيض الله وجهك

قصيدة في غاية الروعة والجمال الله يعطيك العافيه

دمتم بخير

صح لسانك
..
..
أسجل اعجابي بالقصيدة
..
ويعطيك العافيه ..

صح لسانك كثر حروفها واكثر والله

قصيدة جزلة بالحيل ، وكل قاف احسن من الثاني .


تحياتي

السلام عليكم ورحمة الله وبركاته
سلمت ودمت أخوي الشاعر بدر الهويملي على القصيدة .
.
.
جزله ورائعه وصح لسانك
أخوك ابوساره

هجينيه رائعه فعلا يابوعيد وصح السانك وفكرك وذوقك والله


تقبل مروري المتواضع