ديوان الغاز ابوهليل

انـــا بـنـشـد ومـعـنـايـه غـطـيـتـه بــيــن ســبــع ارواق=ومــــن يـفــهــم مـداخـيـلــه يــعـــرف الـلــغــز واســـــراره
مـديـنــه بـالـلـبًـن تـسـقــى وحــلــو الـتـمــر لــــه ذواق=وقــريـــه كـلــهــا يـــاقـــوت بـــنـــي الــــــدور واســــــواره
وجــســر بـيـنـهـن يــربــط ريـاحـيـنــه لــهـــا تـشــتــاق=وبـــــاق الاســـــم يــاســـاده زهــــــرة الـــفـــول مــعــبــاره
كمًل وصفي على الغايه وضوح الشمس بالمشراق=ولا بـاقــي يـــا غـيــر الـلــي يــســوق الــبــن وبــهــاره
حل الغز بالريحاني(ملتقى حرب)=

أسال ولانـي سألـن شخـص عـادي=غيـر الــذي مـعـروف رايــه سـديـدي
رجـلـن لقيـتـه بـيـن حـضــر وبـــوادي=وفـي مسـلـك التعلـيـم علـمـه وكـيـدي
يعطي حقوق البيض قبل السوادي=لــلــي نــظــر فــكــره وشــوفــه بـعـيــدي
(النقد)=

وش الــذي مـنــه الامـاكــن تـمـلـت=احـدن شكـى فـرقـاه واحــدن بليـبـه
المبتلـي نفـسـه مــن الـوقـت مـلـت=والمشتكي يدعي عسى الله يجيبه
(الفراغ)حله العضيد الله يرحمه=

انشدك عن رجال كلن يهابه=مصنوع لاكن فيه من خلق ربك
مجبور تحترمه وتحسب حسابه=وإن ماحترمته شالك فوق وضربك

انشدك عن ثنتين عاشن سويه=لون البدر بالوصف تشبه محياه
متغطيات بثوب يندر حليه=بآيه ورد ذكر البنات وقريناه
فيه الخبر للي لفته المنيه=علمن يشيب الراس لاحل طرياه

انشدك عن عذرى لغيرك مزيه=تعطي خبر معروف لامن وجدناه
فيها الحلال يبين مابه رويه=وفيها الحرام يبين للي جهلناه

انشدك عن رجال قايد سريه=ميت بليا روح وشلون تقواه
خمسة عشر رجال دونه سويه =وقت الخطر كلن يدافع ويفداه

انشدك عن رجال حاله قويه=يصبر على جاره وهذي مزاياه
عند العرب معروف له مقدريه=ماكل شخصن يستحقه وينصاه

انا بنشدك عن رجلن مسيره دايم خلافه=ولا يمشي قدم مره ليامن صار متعافي
دليله حرف للعالم وكلن يعرف اوصافه=ترى اسمه شابه لفعله واقول الشرح لك كافي

وشي فتاتن تسمى باسم رجالي =رجلن يمر البلد والناس تدريبه
وقت التعارف لها بالقلب منزالي=سلمن جرى والرجل ملزوم ياتيبه